Descarga dera aplicacion
Era aplicacion Eleccions 27S permet de consultar es resultats des eleccions entath Parlament de Catalonha deth 27 de seteme de 2015. Eth nau servici ei disponible entà telefòns mobils e tauletes des plataformes Android e iOS (iPhone/iPad), e se pòt configurar en castelhan, en catalan e en anglés.
Com foncione
Aguesta aplicacion, un viatge installada en nòste terminau mobil o tauleta, mos permet:
- Seguir es resultats des eleccions entath Parlament de Catalonha en temps reau e en quin lòc que sigue (candidatures e candidats, donades de participacion e resultats provisionaus) e comparar es resultats e era participacion damb es des ans anteriors.
- Consultar es donades de tot eth territòri en tot utilizar eth cercador entà veir es donades que tanhen a un lòc concrèt e en tot ahíger a favorits es circonscripcions, es comarques e es municipis que volem seguir.
- Crear e partejar es nòsti parlaments en tot escuélher es candidatures que mos agradarie que pactèssen e guardar s'artenhen era majoritat absoluda. Poderam méter un nòm ath nòste parlament e partejar-lo enes hilats sociaus.
Com podem installar-la
Er accès ara aplicacion se pòt hèr a trauès dera descarga automatica en App Store o en Google Play, o a trauès dera aplicacion gencat, qu'amasse toti es servicis mobils dera Generalitat de Catalonha.
