Aguest percentatge supère en 5,7 punts er indèx de participacion enregistrada ena madeisha ora enes comicis de 2012
Era conselhèra de Governacion e Relacions Institucionaus, Meritxell Borràs, a compareishut entà dar es prumères donades de participacion enes eleccions entath Parlament de Catalonha.
Borràs a soslinnhat qu´era mejana de participacion enes quate circonscripcions catalanes entàs 13 ores ei estada de 35,12%, un percentatge superior en 5,7 punts ath 29,43% de participacion enregistrat ena madeisha ora enes eleccions entath Parlament de Catalonha de 2012.
Per demarcacion
Es percentatges de participacion enes quate circonscripcions catalanes son toti superiors as que s'enregistrèren ena madeisha ora enes eleccions de 2012. Era circonscripcion damb ua participacion mès nauta ei Girona, que ja arribe a 38,47%.
|
Participacion per circonscripcion electorau |
||
|
CIRCONSCRIPCION |
2015 |
2012 |
|
Barcelona |
34,74% |
29,41% |
|
Girona |
38,47% |
32,71% |
|
Lhèida |
33,82% |
26,46% |
|
Tarragona |
35,56% |
28,24% |
|
Catalonha |
35,12% |
29,43% |
Entàs 18.30 ores, era conselhèra Meritxell Borràs compareisherà un aute còp entà arreportar era participacion enes 18 ores.
Es donades de participacion per comarques e per municipis son disponibles en web resultats.parlament2015.cat.
Eth Govèrn tanben a metut a disposicion des ciutadans ua aplicacion entà tauletes e mobils entà seguir es donades de participacion e es resultats en temps reau a mesura qu'auance er escrutinh. Era aplicacion Eleccions 27S a agut enquias 13.30 ores d´aué 41.416 descargues, que s´an hèt en 101 païsi diferenti.