Aguest percentatge ei quasi 7 punts superiors ar indèx de participacion enregistrada ena madeisha ora enes comicis de 2012
Era conselhèra de Governacion e Relacions Institucionaus, Meritxell Borràs, a compareishut entà hèr a conéisher eth percentatge de participacion enregistrada enquiath moment enes eleccions entath Parlament de Catalonha.
Era mejana de participacion enes quate circonscripcions catalanes entàs 18 ores ei estada de 63,20%, un percentatge que supère en 6,9 punts eth 56,30% de participacion enregistrat ena madeisha ora enes eleccions entath Parlament de Catalonha de 2012.
Es percentatges de participacion supèren enes quate circonscripcions catalanes es indèxi enregistradi ena madeisha ora enes eleccions de 2012. Era circonscripcion damb ua participacion mès nauta ei tostemp Girona, qu'arribe ath 65,44%. Era demarcacion damb mès creishement dera participacion per arrepòrt a 2012 ei era de Tarragona, a on er increment arribe quasi a 9 punts.
|
Participacion per circonscripcion electorau entàs 18 ores |
||
|
CIRCONSCRIPCION |
2015 |
2012 |
|
Barcelona |
63,26% |
56,58% |
|
Girona |
65,47% |
59,14% |
|
Lhèida |
61,09% |
54,03% |
|
Tarragona |
61,81% |
52,96% |
|
Catalonha |
63,20% |
56,30% |
Era conselhèra a arrebrembat que, un còp barren es collègis electoraus, eth seguiment der escrutinh se poderà hèr tanben a trauès deth web resultats.parlament2015.cat.
Tanben a arremercat qu'eth Govèrn a metut a disposicion des ciutadans ua aplicacion entà tauletes e mobils entà seguir es donades de participacion e es resultats en temps reau a mesura qu'auance er escrutinh. Era aplicacion Eleccions 27S a agut enquiath moment 79.000 descargues, que s´an hèt en 111 païsi diferenti.
A compdar des 22.30 ores, era conselhèra Meritxell Borràs compareisherà un aute còp entà raportar era fin dera jornada, damb donades de participacion e resultats provisionaus.