S´an excludit tres candidatures des presentades iniciauments: Guanyem Catalunya - Ganemos, en Barcelona; Escons en Blanc, en Girona, e Pirates de Catalunya - Per decidir-ho tot, en Lhèida
Per arrepòrt damb es comicis de 2012, s´an proclamat 24 candidatures de mens
Eth Departament de Governacion e Relacions Institucionaus a tramitat era publicacion des 40 candidatures proclamades oficiauments que concorreràn as eleccions entath Parlament de Catalonha deth 27 de seteme. Aguesta informacion s´a publicat aué dimars, 1r de seteme, en Jornau Oficiau dera Generalitat de Catalonha (DOGC). En Barcelona s´an proclamat 9 candidatures; en Girona, 11; en Lhèida, 10, e en Tarragona, 10.
En totau, s´an excludit tres des candidatures presentades iniciauments. en Barcelona non a estat proclamada era candidatura de Guanyem Catalunya - Ganemos; en Girona a demorat excludida era d´Escons en Blanc, e en Lhèida non s´a proclamat era de Pirates de Catalunya - Per decidir-ho tot.
Atau donques, es juntes electoraus provinciaus an proclamat 24 candidatures mens qu'enes eleccions entath Parlament de Catalonha de 2012, que se´n proclamèren 64. En Barcelona s´a passat de 16 candidatures proclamades en 2012 a 9 en aguesti comicis; en Girona, s´an redusit de 16 a 11, e en Lhèida e en Tarragona, s´a passat de 16 a 10.
Termini entà presentar recorsi
Cossent damb eth calendari electorau, es dies 2 e 3 de seteme es candidatures excludides pòden presentar un recors deuant er organ contenciós administratiu competent, era resolucion judiciau que se poderà notificar enquiath 5 de seteme. S´esquè, entre eth 3 e eth 7 de seteme, es candidatures poderàn presentar ua sollicitacion deth procediment d´emparament deuant eth Tribunau Constitucionau, que deurà resòlver entre eth 4 e eth 10 de seteme.
Proclamades 40 candidatures entà concórrer as eleccions deth 27S
|
Demarcacion |
Totau |
Candidatures proclamades |
|
Barcelona |
9 |
Candidatura d'Unitat Popular (CUP) Catalunya Sí que es Pot (CatSíqueesPot) Ciutadans - Partido de la Ciudadanía (C's) Junts pel Sí (JxSí) Partit Animalista contra el Maltractament Animal (PACMA) Partit dels Socialistes de Catalunya (PSC) Partit Popular (PP) Recortes Cero - Els Verds (RECORTES CERO - ELS VERDS) Unió Democràtica de Catalunya (unió.cat) |
|
Girona |
11 |
Candidatura d'Unitat Popular (CUP) Catalunya Sí que es Pot (CatSíqueesPot) Ciutadans - Partido de la Ciudadanía (C's) Guanyem Catalunya (GANEMOS) Junts pel Sí (JxSí) Partit Animalista contra el Maltractament Animal (PACMA) Partit dels Socialistes de Catalunya (PSC) Partit Popular (PP) Pirates de Catalunya - Per decidir-ho tot (PIRATA.CAT/XDT) Recortes Cero - Els Verds (RECORTES CERO - ELS VERDS) Unió Democràtica de Catalunya (unió.cat) |
|
Lhèida |
10 |
Candidatura d'Unitat Popular (CUP) Catalunya Sí que es Pot (CatSíqueesPot) Ciutadans - Partido de la Ciudadanía (C's) Guanyem Catalunya (GANEMOS) Junts pel Sí (JxSí) Partit Animalista contra el Maltractament Animal (PACMA) Partit dels Socialistes de Catalunya (PSC) Partit Popular (PP) Recortes Cero - Els Verds (RECORTES CERO - ELS VERDS) Unió Democràtica de Catalunya (unió.cat) |
|
Tarragona |
10 |
Candidatura d'Unitat Popular (CUP) Catalunya Sí que es Pot (CatSíqueesPot) Ciutadans - Partido de la Ciudadanía (C's) Guanyem Catalunya (GANEMOS) Junts pel Sí (JxSí) Partit Animalista contra el Maltractament Animal (PACMA) Partit dels Socialistes de Catalunya (PSC) Partit Popular (PP) Recortes Cero - Els Verds (RECORTES CERO - ELS VERDS) Unió Democràtica de Catalunya (unió.cat) |