Era Administracion electorau velhe pera transparéncia e era objectivitat deth procès electorau, atau coma peth compliment deth principi d´igualtat.
Intègren era Administracion electorau: es meses electoraus e es juntes electoraus (centrau, provinciau e de zòna).
- Un Junta Electorau Centrau, de caractèr permanent.
- Quate juntes electoraus provinciaus.
- Trenta ua juntes electoraus de zòna (plaçades enes localitats catalanes que son cap de partit judiciau segons era delimitacion judiciau de 1979).
Es juntes electoraus provinciaus son es juntes competentes entara realizacion de totes es gestions en relacion damb era presentacion e era proclamacion de candidatures, e en relacion damb er escrutinh generau as eleccions entath Parlament de Catalonha.
Es juntes electoraus provinciaus e de zòna non son permanentes, mès que se constituïssen damb motiu de cada procès electorau.
Mès informacion:
S´auetz de hèr ua consulta, podetz adreçar-vos ara junta electorau de zòna corresponenta ath vòste municipi.
Mès informacion:
Es seccions electoraus son es zònes en qué se dividissen es circonscripcions electoraus.
Se determinen peth nombre d'electors: cada seccion includís un maximon de 2.000 electors e un minim de 500.
Maugrat açò, per cada municipi i a, aumens, ua seccion electorau, en tot tier en compde que cap de seccion non pòt auer un encastre superior ath deth tèrme municipau.
Era mèsa electorau ei er organ deuant deth quau s´emet eth vòt. Era mèsa contròtle eth desvolopament dera votacion e amie a tèrme er escrutinh provisionau.
Ua mèsa electorau ei formada per tres ciutadans: un president/a e due vocaus.
Era mèsa hè part deraAdministracion electorau, amassa damb es juntes electoraus.