- Abstention
-
Ensemble d’electors que non exercissen eth sòn dret de vòt en ues eleccions. Se pòt exprimir en valors absoludes o en percentatges. Era soma des valors absoludes dera abstencion e era participacion somen eth cens electorau. Era soma des sòns percentatges ei, evidentaments, 100 donques que son concèptes complementaris.
- Acte d’escrutinh
-
Document oficiau a on demoren rebatudes totes es donades der escrutinh d’un burèu de vòt: cens, certificacions censaus, vòts nulli, vòts en blanc, vòts entà cada candidatura, eca. Deu èster signada per toti es compausants dera mèsa (president, vocaus e interventors).
- Administracion convocanta
-
Administracion publica que convòque e organize un procès electorau. Era Generalitat de Catalonha, en cas d’eleccions entath Parlament de Catalonha e ath Conselh Generau d’Aran, e eth Govèrn der Estat, en cas d’eleccions municipaus, as Corts Generaus e ath Parlament Europèu.
- Administracion electorau
-
A era tòca de garantir era transparéncia e objectivitat deth procès electorau, e eth principi d’egalitat. L'intègren era Junta Electorau Centrau, es juntes electoraus des comunautats autonòmes, s’esquè, es juntes electoraus provinciaus, es juntes electoraus de zòna e es mèses electoraus.
- Apoderat/ada
-
Persona nomentada peth representant d’ua candidatura entà que la represente en determinadi actes e operacions electoraus. Mès que mès, exercís ua foncion de contraròtle enes actes de votacion e d’escrutinh. Non hè partida dera mèsa e deu votar en aqueth a on serà recensat. Pòt visitar quina mèsa que sigue.
- Burèu deth cens electorau
-
Organ encargat dera formacion deth cens electorau. Ei ua entitat administrativa enquadrada en Institut Nacionau d’Estadistica (INE), damb delegacions en totes es províncies.
- Cabina electorau
-
Element deth mobiliari electorau que se deu trobar en locau electorau e a on pòden accedir es electors entà premanir era documentacion de votacion e que permet preservar eth dret ath secrèt de vòt.
- Campanha electorau
-
Periòde de temps prèvi ath dia dera votacion, qu’era durada se fixe ena convocacion des comicis e permet as candidatures de demanar eth vòt ar electorat, a trauès d’actes publics e des mejans de comunicacion. Era nòrma generau electorau establís qu'a ua durada de 15 dies.
- Campanha institucionau
-
Campanha destinada a informar as ciutadans sus era data de votacion, eth procediment entà votar e es requisits e tramits deth vòt per corrèu, sense influïr ena orientacion de vòt.
- Candidat/a
-
Persona integranta d’ua lista electorau un viatge qu’aquera ei estada proclamada pera junta electorau competent. En foncion deth tipe d’eleccion, pòden èster candidats a deputats e senadors deth Congrès e deth Senat, respectivaments, a deputats des assemblades legislatiues des comunautats autonòmes o deth Parlament Europèu, a conselhèrs generaus deth Conselh Generau d’Aran e a còssos des consistòris municipaus.
- Candidat/a elegit
-
Candidat/a qu'a obtengut un sèti entà ua circonscripcion determinada.
- Candidatura
-
Ensemble de candidats que, en tot constituïr ua lista, se presente en ua circonscripcion electorau per un partit politic, federacion, coalicion de partits o agropacion d’electors, d’acòrd damb es critèris e requisits fixadi pera lei.
- Cens de residents absenti (CERA)
-
Persones que residissen en estrangèr e complissen es requisits entà èster electors en determinades sòrtes d’eleccions. Pòden votar en ua urna en burèu consolar o per corrèu. Es sòns vòts non se compden en escrutinh provisionau.
- Cens electorau
-
Ensemble d’individus qu'amassen es requisits entà èster electors e que non son privadi deth dret de sufragi. Eth cens electorau ei unic entàs eleccions de tota sòrta.
- Cens escrutat
-
Soma d’electors que corresponen as mèses escrutadi enquia un moment determinat. S’exprimís, normauments, coma percentatge sus eth totau deth cens.
- Cens iniciau / cens finau
-
Eth cens ei eth que proporcione eth Burèu deth Cens Electorau der Institut Nacionau d’Estadistica (INE) e ei en vigor en moment de dubertura deres mèses. Se pòt modificar pendent eth dia des votacions damb es certificats censaus o per decision deth president dera mèsa o autoritat judiciau, entà pr’amor qu'eth resultat sigue eth cens finau (definitiu).
- Centre de difusion de donades (CDD)
-
Lòc a on se realize era difusion publica des resultats electoraus provisionaus mejançant rapòrts en papèr, donades en supòrt informatic e programes de difusion audiovisuau (TV).
- Centre de tractament backup (CPB)
-
Espaci subsidiari deth centre de tractament de donades, plaçat en ua bastissa independenta entà contunhar damb er escrutinh de resultats en cas d’evacuacion dera bastissa principau.
- Centre de tractament de donades (CPD)
-
Espaci a on s’installen es equipaments informatics e programes de calcul entà hèr es operacions d’agregacion deres mèses, calcul de vòts e, en generau, quina operacion que sigue o procès informatic entar escrutinh des resultats provisionaus.
- Centre d’arrecuelhuda d'informacion (CRI)
-
Ubicacion a on es representants dera Administracion remanen es donades dera jornada electorau: era dubertura de mèses, es donades des membres des mèses, es auanci de participacion e es resultats der escrutinh provisionau mèsa per mèsa (acte per acte). En CRI i a es equipes entara recepcion des donades, es equipes de gravadura e es equipes d’incidéncies.
- Centres operacionaus
-
Espacis fisics (o logics) a on s'amien a tèrme toti es procèssi extèrnes der escrutinh des resultats provisionaus. Se dividís en: centres d'arrecuelhuda d’informacion (CRI), burèus de contraròtle d’incidéncies (OCI), centres de tractament de donades (CPD), centre de tractament backup (CPB) e centres de difusion de donades (CDD).
- Certificacion censau
-
Document emetut pera Administracion electorau que constituís un mejan de pròva qu'un ciutadan/ana pòt exercir eth dret de vòt, maugrat que non sigue recensat en mèsa a on s’adrece a exercir-lo. Modifique eth cens d’electors deth burèu de vòt.
- Certificat de votacion
-
Document electorau qu'expedís era mèsa electorau a peticion de quin elector que sigue/a damb era tòca d’acreditar documentauments qu'a votat.
- Circonscripcion electorau
-
Encastre territoriau qu'amasse ar ensemble d’electors qu’a compdar deth sòn vòt se distribuïssen es escons. Enes eleccions europèes ei d’encastre estatau; enes generaus, d’encastre provinciau; enes autonomiques, d’encastre provinciau (a excepcion des autonomies insulares, d’encastre insular, e en Astúries e Múrcia, ua auta division intèrna) e enes eleccions municipaus, d’encastre municipau. Enes eleccions entath Conselh Generau d’Aran era circonscripcion ei eth terçon.
- Coalicion
-
Formacion politica, abilitada entara presentacion de candidatures en uns comicis concrèts, constituïda per partits politics e/o federacions de partits.
- Collègi electorau
-
Lòc fisic a on s’exercís eth dret de vòt. Pòt èster compausat per un o diuèrsi mèses electoraus.
- Comission de ràdio e television
-
Organ que jos era direccion dera Junta Electorau Centrau hè era prepausa de distribucion des espacis gratuïts de propaganda electorau.
- Compatibilitat electorau
-
Registre des ingrèssi e des despenses electoraus que les cau hèr a totes es formacions politiques que participen en procès electorau.
- Consolats
-
Burèus der Estat espanhòu plaçadi en estrangèr que, en çò que tanh a matèria electorau, amien a tèrme prètzhèts adreçadi ara confirmacion deth cens de residents absenti (CERA). Ei eth lòc a on es electors residents en estrangèr pòden depausar o remanar per corrèu eth vòt enes eleccions generaus, europèes e autonomiques.
- Convocacion electorau
-
Accion qu'eth organ competent dera Administracion corresponenta cride ath còrs d’electors a exercir eth sòn vòt en ua data determinada, damb un calendari entara presentacion de candidatures, proclamacion, campanha electorau, eca.
- Dia des votacions
-
Dia en qu’es electors pòden exercir eth sòn dret de vòt. Er orari de votacion ei des 9 ores enquiàs 20 ores.
- Difusion de resultats provisionaus
-
Operacion qu'a era tòca de hèr a conéisher es resultats provisionaus der escrutinh. Segons eth mejan utilizat era difusion ei audiovisuau, per Internet, per SMS , eca.
- Dispositiu electorau
-
Ensemble de sistèmes e equipaments qu'amien a tèrme toti es prètzhèts corresponenti a un procès electorau e qu'ei responsabilitat dera Administracion convocanta.
- Districte censau
-
Gropament geografic de seccions censaus. Ei ua unitat intermediària entre era seccion e eth municipi. Es diferenti nivèus en encastre electorau son (de mès gran ath mès petit): circonscripcion, municipi, districte, seccion e mèsa
- Eleccions
-
Procès a on se renauissen es compausants d’ua cramba o parlament, per mejan deth vòt des electors. En sens restringit, es eleccions ei eth dia des votacions.
- Elector/a
-
Persona qu'exercís eth dret de sufragi actiu (vòt). Pòden èster electors es espanhòus majors d’edat que non siguen en cap des suposadi previsti pera lei que n’empedissen er exercici.
- Elegible
-
Persona qu'exercís eth dret de sufragi passiu. Pòden èster elegibles es espanhòus majors d’edat que, en tot auer era qualitat d’electors, non incorren en cap des causes d’ineligibilitat previstes pera lei.
- Escon
-
Unitat de composicion deth parlament o cramba que referissen es eleccions. Era toca des eleccions ei assignar es escons dera cramba as diferentes candidatures segons eth nombre de vòts e ua formula electorau d’atribucion d’escons.
- Escrutinh generau
-
Acte de caractèr public qu'amien a tèrme es juntes electoraus competents eth tresau dia següent ath dera votacion entà proclamar es resultats definitius oficiaus. Se realize a compdar des resultats provisionaus, en tot revisar es actes entà detectar errors e en tot corregir-les, en cas que n’i age.
- Escrutinh provisionau
-
Recompde des vòts que s’amie a tèrme en cada mèsa electorau, a compdar deth moment de barrament des collègis. Eth president da per acabada era votacion e se procedís ara dubertura des urnes e ara comptabilizacion des vòts. Damb eth resultat finau era mèsa formalize er acte, qu’ua còpia se liure ara persona representanta nomentada pera Administracion, que comunique es donades ath centre d’arrecuelhuda d’informacion.
- Formula electorau
-
Procediment de calcul utilizat per transformar es resultats electoraus de cada circonscripcion en ua distribucion d’escons entre es candidatures que concorren as eleccions.
- Incidéncies ena transmission de donades
-
Quin hèt que sigue qu'empedisque era corrècta transmission o gravadura des donades dera jornada electorau. S’includissen tant es problèmes entà arrecéber es donades e es resultats d’una mèsa coma es errors produsidi en formalizar un acte, qu'impliquen eth besonh de contrastar era informacion. En generau, quina mèsa que sigue deth que non dispòsen resultats corrèctes constituís ua incidéncia.
- Interventor/a
-
Persona nomentada pera candidatura entà que represente en ua mèsa determinada, que ne hè part damb votz, mès sense vòt. Exercís eth sòn dret de vòt en aquesta mèsa.
- Jornada de reflexion
-
Dia precedent ath des votacions que soslinhe era fin dera campanha electorau. Pendent aquera jornada ei proïbit demanar eth vòt entà ua determinada opcion o hèr quin tipe que sigue de manifestacion qu’influencie eth sens deth vòt.
- Juntes electoraus
-
Organs dera administracion electorau qu'avalizen eth compliment dera nòrma en vigor e era egalitat d’oportunitats. Atien es reclamacions e impugnacions que se produsisquen e, dempús der escrutinh, validen eth pas des resultats provisionaus a definitius.
- Lei d’Hondt
-
Formula electorau des nomentades distributives o proporcionaus. Ei era que s’utilize enes eleccions entath Congrès des Deputats, entath Parlament de Catalonha, entath Parlament Europèu e as municipaus. Entà cada circonscripcion electorau, es vòts obtengudi pes candidatures qu'agen superat era barrèra legau se dividissen per ua sèria contínua de nombres naturaus (1, 2, 3 e següents), nomentadi divisors. Es sètis s’atribuïssen segons es magnituds des quocients obtengudi.
- Lista electorau
-
Ensemble de candidats que cada candidatura òpte a arténher es escons en litigi a cada circonscripcion. Es escons de cada candidatura se distribuïssen, en cas des listes barrades, segons er orde de collocacion de candidats ena lista.
- Llindar legal / Barrera legal
-
Límit mínim de vots que s’estableix en l’escrutini perquè una candidatura pugui concórrer a la distribució d’escons. En les eleccions generals i al Parlament de Catalunya aquest límit mínim per a cadascuna de les circumscripcions és del 3% dels vots vàlids emesos, mentre que en les eleccions municipals i al Consell General d’Aran és del 5%. En les eleccions al Parlament Europeu no s'aplica cap barrera legal.
- Mèsa electorau
-
Unitat basica deth procès electorau que correspon ara subdivision alfabetica dera seccion censau. Tanben ei er organ dera Administracion electorau, format per un president e dus conselhièrs e, se s’esquè, pes interventors acreditadi, qu’es electors inscriti en sòn cens i pòden eméter eth sòn vòt.
- Papereta
-
Bilheta a on concrète er exercici deth dret de vòt. Entath Senat i a ua unica papereta a on s’includissen toti es candidats e er/a elector/a ne deu mercar tres coma maximom.Ena rèsta d’eleccions, cau seleccionar era papereta corresponenta ara candidatura qu’òm vò votar, qu'includís es sigles, era denominacion dera candidatura e era lista de candidats tara circonscripcion.
- Participacion
-
Nombre d’electors qu'exercissen eth sòn dret de vòt as eleccions. Se pòt exprimir en valors absoludes o en percentatges sus eth cens. Segons er encastre, era participacion pòt hèr referéncia a ua mèsa, a un municipi, a ua circonscripcion o ath totau der encastre electorau.
- Procès electorau
-
Equivau ath tèrme eleccions, en sens larg. Compren er ensemble d’accions que s’efectuen en periòde de temps que va dempús dera convocacion des eleccions enquiara proclamacion de candidats e era publicacion de resultats definitius.
- Rapòrts de resultats
-
Ensemble de documents que contien informacion periodica (vòts, escons, eca.) der escrutinh de resultats en forma de listes, taules, grafiques o d'auti, en papèr o eth supòrt informatic.
- Recors contenciós electorau
-
Procediment judiciau contra es acòrds des juntes electoraus sus era proclamacion des candidats elegidi, vòts computadi, eca. A er efècte de paralizar er acte que hè tanh.
- Referendum
-
Consulta electorau que se demane ar/a elector/a sus ua o diuèrsi ahèrs, a on es possibles responses son unicaments afirmatives o negatives.
- Representants dera Administracion
-
Personse qu’era Administracion convocanta nomenta entà qu'eth dia des votacions remanen, telefonicaments o telematicaments, ath centre d’arrecuelhuda d’informacion (CRI) es donades que tanhen as votacions (cens, participacion, vòts, eca.) en cadua des fases deth dia: dubertura, donades dera mèsa e auanci o escrutinh dera mèsa o es mèses assignadi.
- Resultats definitius
-
Resultats que proclamen es juntes electoraus a compdar dera revision des resultats provisionaus. Un còp passades es eleccions, son es uniques donades valides a toti es efèctes e anullen es provisionaus dera jornada electorau.
- Resultats provisionaus
-
Resultats qu'era Administracion convocanta proporcione pendent era net electorau, mejançant un centre de tractament qu'a assignat aqueth prètzhèt. Maugrat que se barre er escrutinh ath 100%, es donades se considèren provisionaus mentre es juntes electoraus non s’agen prononciat.
- Seccion censau
-
Unitat censau a on se dividís ua circonscripcion electorau, que compren un maximal de 2.000 electors e un minimal de 500. En cap de cas i pòt auer mens de 200 electors. en cada seccion i pòt auer un o diuèrsi mèses electoraus. Dera madeisha manèra, es seccions se gropen en districtes censaus.
- Sistèma electorau
-
Ensemble de principis, nòrmes e procediments tecnics, restacadi entre eri e legauments establidi, per miei deth qu'es persones electritzes exprimissen era sua volontat politica en vòts, qu'ath sòn torn vien escons o poder politic. Es elements principaus que compausen un sistèma electorau son: er establiment e era magnitud des circonscripcions, era forma des candidatures, eth procediment de votacion, era barrèra legau e era formula electorau. Es sistèmes electoraus se pòt classificar en dues granes familhes: sistèmes majoritaris e sistèmes proporcionaus. Eth nòste sistèma actuau ei eth de representacion proporcionau e era formula electorau aplicada ei era formula (o nòrma o lei) d’Hondt.
- Votants d’ua mèsa
-
Nombre d’electors qu'exercissen eth sòn dret de vòt enes eleccions en ua mèsa electorau determinada. Se pòt exprimir en valors absoludes o en percentatges sus eth cens.
- Vòt per corrèu
-
Vòt emetut, mejançant es burèus deth servici de Corrèus, pes electors que per bèra circonstància preven que non se poderàn presentar en mèsa eth dia dera votacion. Cau que, prèviaments, agen hèt era sollicitacion ara delegacion provinciau deth Burèu deth Cens Electorau. Eth servici de Corrèus deu conservar era correspondéncia adreçada as mèses electoraus, transportar-la-i entàs 9 ores, e incorporar pendent eth dia tota era que s'arreceberà enquiàs 20 ores.
- Vòts a candidatures
-
Vòts realizadi validament entà quinsevolhe des candidatures electoraus proclamades. Era relacion des diuèrses categories de classament des vòts ei era següenta: Vòts totaus = vòts valids + vòts nulli. Vòts valids = vòts blanqui + vòts a candidatures.
- Vòts blanqui
-
Vòts emetudi en engolòpes sense papereta e vòts emetudi en favor d’ua candidatura qu'age estat formauments retirada. Enes eleccions entath Senat, son vòts blanqui es bilhetes que non agen indicacions en favor de cap de candidat/a .Tanben son vòts blanqui es emetudi en favor de candidatures retirades ath long deth procès. Es vòts blanqui hèn partida der ensemble de vòts valids (çò qu’ei considerable entath calcul des percentatges).
- Vòts d’electors residents absenti en estrangèr
-
Vòts emetudi pes electors inscriti en cens d’electors residents absenti (CERA) qu'an presentat prèviaments era sollicitacion ara delegacion provinciau deth Burèu deth Cens Electorau corresponent, exceptat des eleccions locaus. Los escruten es juntes electoraus provinciaus e los incorpòren en acte der escrutinh generau (veigatz cens de residents absenti, CERA).
- Vòts nulli
-
Vòts emetudi en engolòpes o paperetes diferentes deth modèl oficiau, paperetes sense engolòpa, engolòpes que contenguen mès d’ua papereta de diferentes candidatures (se contien diuèrsi paperetes dera madeisha candidatura, se compde coma un solet vòt valid), es que s’emeten en engolòpes alterades, es paperetes a on s’age modificat, hijut o raiat es nòms des candidats o se n’age alterat er orde de collocacion e tanben es paperetes a on s’age introdusit quina legenda que sigue o expression o s’age produsit quina auta alteracion que sigue de caractèr volontari o intencionat. Enes eleccions entath Senat, son nulli es paperetes a on s’agen soslinhat mès de tres nòms.
- Vòts valids
-
Totau de vòts emetudi dempús de restar-ne es vòts nulli. Pòden èster vòts en blanc e vòts a candidatures. Ei era magnitud emplegada coma denominador entà calcular eth percentatge de vòts de cada candidatura.