Es mejans que non s’agen enregistrat dempús d’aguesta data ac poderàn hèr de forma presenciau en Pabalhon 8 de Fira de Barcelona (zòna Gran Via) es dies 20 e 21 de deseme. S’alongue a dimars 19 de deseme eth periòde entà arrecuélher es acreditacions e realizar es montatges des mejans audiovisuaus.
Dema dijaus, 14 de deseme, se barre eth tèrme d’acreditacions online entàs mejans que volguen corbir es eleccions deth 21 de deseme dempús deth centre de difusion de donades abilitades peth departament dera Vicepresidéncia e d’Economia e Finances en Pavalhon 8 de Fira de Barcelona, en zòna Gran Via (carrèr del Foc, 45). Es diaris, mejans numerics, ràdios e televisions que non agen aumplit es formularis poderàn enregistrar-se de forma presenciau es dies 20 e eth madeish dia des eleccions, 21 de deseme, maugrat qu'ei conselhable qu'ac hèsquen damb anticipacion.
D’un aute costat, s’a alongat eth tèrme d'arrecuelhuda des acreditacions sollicitades prealablaments. Atau, a part de dimèrcles 20 e dijaus 21, es distintius tanben se poderàn anar a cercar dimars 19.
Es acreditacions s'arrecuelheràn en espaci que s’abilitarà damb aguesta finalitat en Pabalhon 8 de Fira de Barcelona de 10h a 20h eth dimars 19 e eth dimèrcles 20, e eth madeish dia des eleccions, a compdar de 8h enquiath començament dera darrèra arròda de premsa programada.
Fin finau, es mejans audiovisuaus qu'agen reservat espacis entà camèras e equipes tecniques poderàn realizar es corresponents montatges a compdar de dimars 19 de deseme.
Entà mès informacion: http://www.parlament2017.cat/ca/sala-premsa/index.html
