Er interventor/a ei era persona nomentada peth/pera representant d’ua candidatura entà poder:
- Assistir era mèsa e participar enes deliberacions, damb votz, mès sense vòt
- formular reclamacions e protèstes e demanar certificats deuant dera mèsa
Cada candidatura pòt nomentar enquia dus interventors per mèsa electorau. Eth president o presidenta dera mèsa solament deuen deishar préner possession a dus interventors per candidatura, ei per açò que deurà numerotar es acreditacions que li presentaràn per orde cronologic, maugrat que solament pòt actuar un interventor o interventora per candidatura ath madeish temps.
Exercissen era sua foncion solament en mèsa a on son acreditadi. Vòten en mèsa a on son acreditadi, encara que non siguen includidi en cens electorau d'aguesta mèsa.
Qüestions basiques en çò que tanh as interventors:
- Hèn part dera mèsa electorau.
- solament pòden votar en mèsa a on figuren adscriti en tant qu'interventors, encara que non siguen includidi en cens d’aguesta mèsa.
- solament pòden èster presents en mèsa que ne hèn part.
- un interventor o interventora de cada candidatura pòt assistir era mèsa e participar enes deliberacions damb votz, mès sense vòt.
- pòden formular protèstes e reclamacions, que deuràn èster consignades en acte, e demanar certificats.
- se se presenten en mèsa un viatge redigit er acte de constitucion dera mèsa, pòden votar-i, mès non hèr-ne part.
- pòden portar emblèmes o adesius damb eth nòm e es sigles dera candidatura que representen, solament damb era tòca d’identificar-se coma interventors, sense qu'aquerò constituïsque propaganda electorau.
