Se residitz de manèra permanenta en estrangèr, podetz votar des deth vòste lòc de residéncia en estrangèr.
Entà hè'c, auetz d'èster :
- Inscrit/a en cens electorau de residents absenti en estrangèr (CERA) e
- adscrit/a en bèth municipi de Catalonha.
Entà figurar en CERA vos cau ramplir un formulari de sollicitud d'inscripcion disponibla enes burèus consolars.
Es persones majors d'edat inscrites en Registre de matricula consolara (RMC) coma residentes absentes hèn part automaticaments dera CERA.
Òc. Es listes electoraus en vigor s'exposaràn enes consolats entre eth 3 e eth 10 de noveme (andús includidi).
Ei convenient hèr aguesta consulta non sonque entà verificar se i figuratz inscrit, mès tanben entà verificar qu'es vòstes donades son corrèctes e, en cas que non ne siguen, sollicitar-ne era modificacion non mès tard deth 10 de noveme, entà per'mor que se tramite ara delegacion provinciau deth ’Burèu deth Cens Electorau corresponent.
Se recomane especiaument era consulta deth CERA as collectius següents:
- Persones que se n'an anat recentaments tar estrangèr o an cambiat de domicili.
- Persones qu'an hèt 18 ans recentaments.
Entre eth 4 e eth 29 d'agost, es electors inscriti en cens d'electors absenti en estrangèr (CERA) an de formular era sollicitud de vòt qu'anarà adreçada ara delegacion provinciau corresponenta deth Burèu deth Cens Electorau.
Er enviament dera sollicitud se pòt hèr per Internet, corrèu postau o fax.
En eth cas qu'optetz per enviament dera documentacion per Internet auetz d’accedir ath tramit “Sollicitud de vòt CERA”, publicat ena sedença electronica der Institut Nacionau d’Estadistica (INE), https://sede.ine.gob.es/Solicitud_voto_CERA mejançant:
- Certificat electronic arreconeishut: er aguest cas, auetz d’acreditar era vòsta identitat mejançant eth certificat electronic arreconeishut, associat ath vòste DNI.
- Clau de tramitacion telematica (CTT): trobaratz aguesta clau enes instruccions de rampliment e d’enviament includides ena documentacion que vos remeterà eth Burèu deth Cens Electorau. Auetz de seguir es instruccions que se presenten e adjuntar eth fichèr dera imatge d’un des documents següents:
- DNI espanhòl.
- Passapòrt expedit pes autoritats espanhòles.
- Certificat de nacionalitat espanhòla (vo’lo expedirà gratuïtaments era ambaissada o eth consolat a on sigatz inscrit).
- Certificat d'inscripcion en Registre de matricula consolar (vo’lo expedirà gratuïtaments era ambaissada o eth consolat a on sigatz inscrit).
En cas qu'optetz entà formular era sollicitud de vòt per corrèu postau o fax vos cau seguir es passi següents:
- Ramplir e signar era huelha de sollicitud de vòt que vos remanarà eth Burèu deth Cens Electorau. Tanben lo trobaratz ena vòsta ambaishada o consolat e sus www.parlament2015.cat, www.exteriores.gob.es o www.ine.es. Ei important que non vos desbrembetz de signar-lo.
- Acompanhar era huelha de sollicitud d’un des documents següents:
- Fotocòpia deth DNI espanhòl.
- Fotocòpia deth passapòrt expedit pes autoritats espanhòles.
- Certificat de nacionalitat espanhòla (vo’lo ’expedirà gratuïtaments era ambaissada o eth consolat a on sigatz inscrit).
- Certificat d’inscripcion en Registre de matricula consolar (vo’lo expedirà gratuïtaments era ambaissada o eth consolat a on sigatz inscrit).
- Enviar aguesta documentacion çò mès lèu possible, e, eth tot cas, abans deth dia 30 d’agost, tara delegacion provinciau deth Burèu deth Cens Electorau dera província a on sigatz inscriten Estat espanhòu.
Era delegacion provinciau deth Burèu deth Cens Electorau vos envie per corrèu non mès tard deth 9 de deseme (ad aguest tèrme s’a de somar eth temps que met a arribar era documentacion ena adreça en estrangèr) era documentacion següenta:
- Ua huelha informativa.
- Ua papereta de cadua des formacions politiques que se presenten tàs eleccions e ua envolòpa de votacion en qué s'introdusirà era papereta corresponenta.
- Dus certificats d'inscripcion en cens electorau.
- Ua envolòpa ena quau figurarà era adreça dera junta electorau provinciau corresponenta.
- Ua envolòpa damb era adreça dera ambaissada oconsolat.
- Era huelha de sollicitud de devolucion dera despensa d'enviament deth vòt per corrèu.
Un còp ajatz arrecebut era documentacion, auetz d’escuélher era papereta dera candidatura, introdusir-la ena envolòpa de votacion e barrar-la. En cas que volgatz votar eth blanc, non auetz d’'introdusir era papereta laguens dera envolòpa de votacion.
- Ara seguida, auetz d'introdusir ena envolòpa adreçada ath conselh electorau provinciau, era envolòpa de votacion, amassa damb un des exemplars deth certificatd'inscripcion en cens electorau e ua fotocòpia deth passapòrt o deth DNI (o ben eth certificat de nacionalitat o eth certificat d’inscripcion en Registre de matricula consolar, expedidi peth consolat espanhòu en país de residéncia).
A partir d’ací podetz optar per:
- Votar per corrèu: en tot introdusir era envolòpa barrada adreçada ara junta electorau provinciau ena envolòpa adreçada ath consolat (burèu consolar de carrèra o seccion consolar dera mission diplomatica) eth quau, ath delà, includirà eth dusau certificat d’inscripcion en cens e, s'ac voletz, era huelha ramplida entara devolucion de despensa d'enviament. Un còp l’ajatz barrada, auetz d’enviar aguesta envolòpa tath burèu consolar de carrèra o seccion consolar dera mission diplomatica a on sigatz adscrit, per corrèu certificat, non mès tard deth 16 de deseme (Ampliament del tèrme fins lo 20 de deseme).
- Votar en urna: en tot depausar eth vòt, personauments, en ua urna abilitada enes dependéncies consolars entre eth 17 e eth 19 de deseme (andús includidi) (Ampliament del tèrme fins lo 21 de deseme, as 20.00 ores, ora peninsular). En aguest cas auetz d'introdusir era envolòpa de votacion amassa damb un des exemplars deth certificat d'inscripcion en cens electorau e ua fotocòpia deth passapòrt o deth DNI expedidi pes autoritats espanhòles (o ben eth certificat de nacionalitat o certificat d’inscripcion en Registre de matricula consolar expedit peth consolat espanhòu en país de residéncia) ena envolòpa adreçada ara junta electorau provinciau.
Liurar personauments aguesta envolòpa athburèu o seccion consolar en qué sigatz inscrit, damb era acreditacion prealabla dera vòsta identitat deuant deth foncionari/ària consolar, mejançant eth passapòrt, eth DNI o eth certificat de nacionalitat o d'inscripcion en Registre de matricula consolar, expedit peth consolat espanhòu en país de residéncia, damb era exibicion prealabla e eth liurament der aute certificat d’inscripcion en CERA.
Depausarena urna era envolòpa adreçada ath conselh electorau provinciau un còp qu'eth foncionari/ària consolar estampe eth sagèth deth burèu consolar ena envolòpa e i hèsque a constar era data de depaus.
Òc. S'ètz inscriti en cens d’electors residents absenti en estrangèr (CERA) e pendent era convocacion deth procès electorau ètz temporauments en Catalonha, podetz sollicitar eth vòt per corrèu a compdar deth 28 d’octobre e enquiath 17 de deseme, andús includidi, sense qu'açò supause era vòsta baisha en CERA.
Entà sollicitareth vòt per corrèu, auetz de ramplirera sollicitud, disponibla en quinsevolh burèu de Corrèus, en tot indicar exprèssaments era vòsta inscripcion en cens de residents absentien estrangèr, signar-la e adreçar-la ara delegacion provinciau deth Burèu deth Cens Electorau corresponent. Auetz d’indicar ua adreça en l’Estat espanhòu a on voletz arrecéber era documentacion.
Se ja s’auesse enviat era documentacion d’inscripcion, pr'amor que ja l’auíetzsollicitada des der estrangèr, arreceberatz un certificat d’inscripcion damb era mèrca “duplicat”.
Un còp ajatz arrecebut era documentacion electorau ena adreça qu’ajatz indicat ena sollicitud auetz d’enviar eth vòste vòt per corrèu certificat non mès tard deth 17 de deseme.
