Conselhs comarcaus

Es conselhs comarcaus son es òrgans de govèrn e d’administracion des comarques. Son òrgans d’eleccion indirècta, pr’amor qu’era sua composicion se concrete a compdar des resultats des eleccions municipaus, qu’auràn lòc eth dia 24 de mai de 2015.

Eth nombre de membres deth conselh comarcau se determine en foncion des residents dera comarca, d’acòrd damb era escala que seguís:

 

• Enquia 50.000 residents: 19 membres

• De 50.001 a 100.000: 25 membres

• De 100.001 a 500.000: 33 membres

• De 500.001 endeuant: 39 membres

 

Entàs eleccions de 2015, eth nombre de conselhèrs a trigar en cada conselh comarcau, cossent damb era darrèra chifra de poblacion de cada municipi oficiaument aprovat, ei eth següent:

 

• Alt Camp: 19 conselhèrs

• Alt Empordà: 33 conselhèrs

• Alt Penedès: 33 conselhèrs

• Alt Urgell: 19 conselhèrs

• Alta Ribagorça: 19 conselhèrs

• Anoia: 33 conselhèrs

• Bages: 33 conselhèrs

• Baix Camp: 33 conselhèrs

• Baix Ebre: 25 conselhèrs

• Baix Empordà: 33 conselhèrs

• Baix Llobregat: 39 conselhèrs

• Baix Penedès: 33 conselhèrs

• Barcelonès: 39 conselhèrs

• Berguedà: 19 conselhèrs

• Cerdanya: 19 conselhèrs

• Conca de Barberà: 19 conselhèrs

• Garraf: 33 conselhèrs

• Garrigues: 19 conselhèrs

• Garrotxa: 25 conselhèrs

• Gironès: 33 conselhèrs

• Moianès: 19 conselhèrs

• Maresme: 33 conselhèrs

• Montsià: 25 conselhèrs

• Noguera: 19 conselhèrs

• Osona: 33 conselhèrs

• Pallars Jussà: 19 conselhèrs

• Pallars Sobirà: 19 conselhèrs

• Pla d'Urgell: 19 conselhèrs

• Pla de l'Estany: 19 conselhèrs

• Priorat: 19 conselhèrs

• Ribera d'Ebre: 19 conselhèrs

• Ripollès: 19 conselhèrs

• Segarra: 19 conselhèrs

• Segrià: 33 conselhèrs

• Selva: 33 conselhèrs

• Solsonès: 19 conselhèrs

• Tarragonès: 33 conselhèrs

• Terra Alta: 19 conselhèrs

• Urgell: 19 conselhèrs

• Vallès Occidental: 39 conselhèrs

• Vallès Oriental: 33 conselhèrs

 

Un còp constituïts toti es ajuntaments dera comarca, era junta electorau provinciau a de procedir ara eleccion des membres des conselhs comarcaus corresponenti ara sua circonscipcion. Era junta electorau provinciau corresponenta a d’assignar a cada un des partits, des coalicions, des federacions e des agropacions d’electors qu’agen obtienut eth 3 % o mès des vòts ena comarca enes eleccions municipaus eth nombre de lòcs que les corresponen, d’acòrd damb es règles que seguissen:

a) Se calcule eth percentatge de còssos que corresponen a cada partit, coalicion, federacion o agropacion sus eth totau de còssos de toti es ajuntaments dera comarca.

b) Se calcule eth percentatge de vòts que correspon a cada partit, coalicion, federacion o agropacion sus eth totau des vòts emetudi ena comarca.

c) Se multipliquen es percentatges dera letra a) per 1/3 e es dera letra b) per 2/3, e se somen es resultats.

d) S’ordenen en colomna es partits, es coalicions, es federacions e es agropacions, de mès gran a mès petit, d’acòrd damb eth percentatge compòst definit pera letra c).

e) Se dividís eth percentatge compòst de cada formacion politica per un, dus, tres o mès, enquiath nombre egal ath de lòcs corresponenti ath conselh comarcau en tot seguir era metodologia dera lei de Hondt.

f) Es lòcs s’atribuïssen as listes as quaus corresponen es quocients mès nauti e se procedís ara atribucion per orde decreishent.