En Barcelona concorreràn un totau de 16 candidatures; en Girona, 11; en Lhèida, 11; e en Tarragona, 12. En totau s’an presentat 10 candidatures mès, per arrepòrt as eleccions deth 27 de seteme de 2015. Eth 25 de noveme se publicaràn en DÒGC es candidatures proclamades.
Eth DÒGC e eth BÒE an publicat aguest 19 de noveme eth listat damb es 50 candidatures provisòries que concorreràn enes eleccions tath Parlament de Catalonha que se debanaràn eth pròpdan 21 de deseme. En Barcelona s’an presentat 16 candidatures; en Girona, 11; en Lhèida, 11; e en Tarragona, 12.
Es 50 candidatures presentades en aguestes eleccions ei superior en nombre as proclamades enes eleccions deth 27 de seteme de 2015, quan s'enregistrèren un totau de 40: 9 en Barcelona, 11 en Girona, 10 en Lhèida, e 10 en Tarragona.
Tèrme de correccion d’irregularitats e publicacion des candidatures definitives
D’acòrd damb eth calendari electorau, es formacions politiques presentades auràn enquiath pròpdan dijaus, 23 de noveme, entà corregir es irregularitats apreciades pes Conselhs Electoraus Provinciaus (CEP). Dempús d’aguest periòde, es CEP proclamaràn es candidatures definitives que se publicaràn en DÒGC aguest dissabte, 25 de noveme.
(Per consultar lo detalh de las 50 candidatures, veire la nòta en PDF)
