En Barcelona concorreràn un totau de 10 candidatures; en Girona, 11; en Lhèida, 11; e en Tarragona, 10. En totau s’an presentat 2 candidatures mès per çò qu'ei des comicis deth 27 de seteme de 2015. Un totau de 8 des candidatures provisòries que se presentèren eth passat 19 de noveme non an estat proclamades.
Eth DÒGC e eth BÒE an publicat aguest dissabte, 25 de noveme, era lista definitiua damb es candidatures proclamades entàs eleccions tath Parlament de Catalonha que se debanaràn eth pròpdan 21 de deseme. En totau i concorreràn 42, dues mès qu'enes comicis deth 27 de seteme de 2015: 10 en Barcelona; 11 en Girona; 11 en Lhèida; e 10 en Tarragona.
Un totau de 8 des candidatures provisòries que se presentèren eth passat 19 de noveme non an estat proclamades: 6 ena demarcacion de Barcelona e 2 en Tarragona. Es de Barcelona son: Per un món més just (PUM+J); La família paz y libertad (LA FAMILIA); Democracia Nacional (DN); Partit familha e vida (PFiV); Convergents (CNV); Unidos y socialistas+por la Democracia (UNIDOS-DEf-Socialistas); i les de Tarragona: Per un món més just (PUM+J); i Ciudadanos Libres Unidos (CILUS).
