Comence eth periòde d’acreditacions entà accedir ath centre de difusion de donades des eleccions deth 21D

Aué dimars se daurís eth periòde d’acreditacions entàs mejans que vulguen corbir es eleccions deth 21 de deseme dempús deth centre de difusion de donades abilitades peth departament dera Vicepresidéncia e d’Economia e Finances. A diferéncia des anteriores eleccions tath Parlament de Catalonha, en aguest cas eth centre se plaçarà en Pabalhon 8 de Fira Barcelona, en zòna Gran Via (carrèr del Foc, 45).

Formularis entà acreditar mejans e especificar besonhs tecnics

Es mejans que volguen accedir en centre de difusion de donades auràn de amplir es formularis disponibles ena Sala de Premsa deth web institucionau des eleccions (http://www.parlament2017.cat/es/sala-premsa/acreditacions-premsa/index.html).

En apartat d’Acreditacions de Premsa, trobaràn un formulari generau d’acreditacion de mejans (en format excel), un dusau formulari entà especificar besonhs tecnics (en format web) e un contacte entà reservar d'auança es menús deth catering, eth cas que se volgue utilizar aguest servici.


a. Formulari excel d’acreditacion de mejans

Eth formulari d’acreditacion en format excel se deuerà descargar, amplir e enviar ara adreça deth corrèu electronic mediaeleccions@gencat.cat. A mès deth formulari, calerà ahíger ua fotografia de cada ua des persones que solliciten era acreditacion, que deuerà auer format JPG e aucupar un maximom de 500 Kb. Eth nòm deth fichièr fotografic deuerà èster eth DNI o passapòrt dera persona que volgue acreditar-se.

Un viatge manat eth formulari, es mejans arreceberàn un corrèu entà confirmar qu'era sua sollicitacion s’a tramitat corrèctaments. Es sollicitacions se poderàn formalizar enquiath 14 de deseme.

Es acreditacions s'arrecuelheràn en espaci que s’abilitarà damb aguesta finalitat en Pabalhon 8 de Fira Barcelona eth dia 20 de deseme (de 10h a 20h) e eth madeish dia des eleccions (dempús de 8h enquiath començament dera darrèra arròda de premsa programada). Es mejans que non agen formalizat es acreditacions abans deth 14 de deseme les deueràn tramitar dirèctaments es dies 20 e 21 de deseme, en madeish espaci d’acreditacion deth Pabalhon 8.

b. Formulari web d’especificitats tecniques

Es mejans poderàn enviar es sòns besonhs tecnics (resèrva d’espaci entà camèras, acreditacion d’unitats mobiles, resèrva de platèus, eca.) per mejan deth formulari web disponible en http://www.parlament2017.cat/es/sala-premsa/acreditacions-premsa/index.html, que se deuerà amplir e enviar abans deth dimèrcles 20 de deseme, tàs 18 ores. Es espacis s’assignaràn per orde cronologic a mesura qu'arriben es sollicitacions.

c. Resèrva deth servici de catering

Coma era aufèrta de restaurants ath torn deth centre de difusion de donades ei limitada, eth dia des eleccions s’abilitarà un airau de catering que foncionarà pendent tot eth dia. Ei recomanable reservar prealablaments es menús (esdejoar, dinnar, sopar) per mejan dera adreça reserves@sagardi.com o deth telefòn 679 20 20 40. 

Visita prealabla entath personau tecnic des mejans

Eth pròpdan dijaus, 30 de noveme (10 h 30), s’organizarà ua visita en centre de difusion de donades entà informar ath personau tecnic des mejans a propòs des recorsi logistics e de localizacion qu'auràn a portada de man. Se tracte d’ua reünion de caractèr exclusivaments tecnic e orientada solaments a aspèctes de produccion. 

 

Recorsi tecnics e logistics disponibles en centre de difusion de donades

a. Jornalistes acreditadi

Toti es jornalistes acreditadi poderàn accedir ena sala de premsa deth centre, que disposarà de connexion wi-fi e taules damb punts de hilat entàs aparelhs electronics. S’abilitarà un parcatge de pagament entàs professionaus que se desplacen damb veïcul pròpri.

Per motius de seguretat, entà accedir en centre serà imprescindible mostrar tant era acreditacion coma eth DNI (o passapòrt). Solaments damb era acreditacion NON se poderà accedir en centre.

b. Ràdios

Eth centre de difusion de donades compdarà damb racks entara distribucion d’àudio analogic mejançant es connectors XLR3 mascle installadi. Es mejans qu'agen de besonh ua linha XDSI deuen sollicitar era inscripcion a Telefonica. Era data limit entara installacion serà eth dimars 19 de deseme, tàs 21h.

c. Televisions

Es equipes ENG disposaràn d'emponts entà enregistrar imatges en auditòri deth centre, e tanben i aurà emponts damb espaci addicionau entà hèr stand-ups. Compdaràn damb connectors XLR3 mascle damb eth senhau d’àudio analogic dera sala e un punt de corrent damb ua poténcia maximau de 1.000W. Laguens der auditòri i aurà ua limitacion der usatge de projectors d’un totau de 500W entà evitar ombres en scenari e non excedir era consomacion dera installacion.

S’aufrirà senhau institucionau de television pendent es comparucions, que se distribuirà dera manèra següenta:

- Satellit: Se mandarà era senhau institucionau de television via satellit EUTELSAT e HISPASAT, damb qualitat HD

- Vidèo en streaming: se daràn es còdis entà inserir enes webs des mejans eth visor entath senhau institucionau

- Tor de Collserola: se mandarà eth senhau institucionau de television tara tor de Collserola entara sua distribucion

 
- Torre España en Madrid. Es mejans qu'ac agen de besonh pòden demanar a Torre España era baishada de senhau institucionau de television (aguest servici a un còst que calerà consultar dirèctaments damb Cellnex).

Pendent es comparucions s’emeterà un senhau net de grafismes. Dehòra des comparucions i aurà donades damb grafisme.

d. PlatèusInteriors

Se meteràn a disposicion des mejans cinc platèus de TV de 4mx4m en interior der auditòri. Cada platèu disposarà d’un punt de corrent damb ua poténcia maximau de 3.000W. Es mejans que volguen reservar un d’aguesti platèus (que seràn compartidi damb auti mejans en foncion des oraris) ac deueràn sollicitar per mejan deth formulari web de besonhs tecnics.

e. Espacis exteriors

Eth departament dera Vicepresidéncia e d’Economia e Finances a reservat er espaci plaçat deuant deth centre de difusion de donades (c/ Foc, 45) entà  que es mejans poguen installar-i platèus exteriors. Coma se tracte d’un espaci limitat, es mejans que volguen hèr ua resèrva auràn de contactar dirèctaments damb eth departament (93 316 22 72).

f. Unitats mobiles / ràdio ligam

Eth centre dispòse d’un airau de parcatge entà unitats mobiles o ràdio ligams, que se deuerà reservar per mejan deth formulari web de besonhs tecnics. Coma er airau de parcatge se tròbe laguens d’ua zòna de proteccion acostica, i aurà ua limitacion de son de 60 decibèus entàs generadors.

Es unitats mobiles disposaràn deth senhau institucionau en format SD – SDI e HD damb àudio imbricat. Es mejans deueràn disposar d’equipament de fibra optica entà transportar eth senhau dempús der interior der auditòri ara unitat mobila. En cas deth format SD-SDI, eth cable deuerà mesurar 130 mètres e en cas deth format HD, 150 mètres. Se poderà largar cablatge e hèr pròves entre es unitats mobiles e er interior der auditòri enquia dimèrcles 20 de deseme, tàs 18 ores. Cada mejan se responsabilizarà dera seguretat des sues unitats mobiles.

i. Referenciaude donades

Es mejans auràn accès dirècte a totes es donades, egau qu'enes darrères eleccions tath Parlament. Se haràn es pròves especifiques era setmana anteriora ara jornada electorau. Mès tà deuant se concretizarà eth dia exacte e s’enviaràn instruccions a propòs de com se deu demanar er accès tàs donades e com se pòt accedir ath referenciau de donades.

BREMBANÇA DE TÈRMES
Vesita entath personal tecnic	Dijaus, 30 de noveme (10h30)
Installacion d’equipa XDSI en auditòri	Dimars, 19 de deseme (21h)
Límit enviament formulari excel d’acreditacions	Dijaus, 14 de deseme
Limit enviament formulari web d’especificitats tecniques	Dimèrcles, 20 de deseme (18h)
Installacion de cablatge dempús des unitats mobiles en auditòri	20 de deseme, tàs 18 ores