012 Telefòn d’atencion ar elector
Es drets e es deuers des electors
Damb caractèr generau, enes eleccions municipaus e ath Conselh Generau d’Aran, pòden votar toti es espanhòus majors d’edat residenti en Catalonha o ena Val d’Aran, respectivament.
Ath delà, entà poder votar ei requisit èster includit enes listres deth cens electorau.
Totun açò, non pòden votar es persones següentes:
- Es condemnadi per senténcia judiciau fèrma a pena de privacion deth dret de sufragi.
- Es declaradi incapables per senténcia judiciau fèrma, tostemp qu'aguesta senténcia declare exprèssament era incapabilitat entar exercici deth dret de sufragi.
- Es intèrns en un espitau psiquiatric damb autorizacion judiciau, pendent eth periòde que dure er internament e tostemp qu'ena autorizacion eth jutge declare exprèssament era incapabilitat entar exercici deth dret de sufragi.
Ath delà des espanhòus majors d’edat, enes eleccions municipaus pòden votar es ciutadans europèus e es ciutadans norvègis residenti en Catalonha (veiguetz es questions següentes).
Mès informacion en:
- Art. 13 dera Constitucion espanhòla.
- Art. 2 e 176 dera Lei organica 5/1985, de 19 de junh, deth regim electorau generau.
S'ETH DIA 27 DE MAI HESQUI ES 18 ANS, POGUI VOTAR?
Òc, pòden votar totes es persones qu'agen 18 ans eth dia 27 de mai de 2007.
Mès informacion en:
- Art. 85.2 dera Lei organica 5/1985, de 19 de junh, deth regim electorau generau.
Non. Arrés pòt èster obligat ne coaccionat, jos cap desencusa, entar exercici deth sòn dret de sufragi, ne a revelar eth sòn vòt.
Eth vòt ei universau, liure, igual, dirècte e secrèt.
Mès informacion en:
- Art. 13 e 23 dera Constitucion espanhòla.
- Art. 2 e 5 dera Lei organica 5/1985, de 19 de junh, deth regim electorau generau.
PER QUE PODEN VOTAR ES NORVEGIS?
Eth 6 de hereuèr de 1990, Espanha soscriuec un acòrd damb Norvègia peth quau se reconeish eth dret de sufragi enes eleccions municipaus as nacionaus norvègis en Espanha e as espanhòus en Norvègia, tostemp qu'amassen es requisits següenti:
- Èster en possession deth permís d’estrangèr.
- Auer residit en Espanha, legaument e ininterrompudament, mès de tres ans (eth temps de residéncia en Espanha s’a d’acreditar damb era presentacion dera carta d’estrangèr o deth certificat expedit pera comissaria de policia).
- Auer sollicitat era inscripcion enes listres deth cens der ajuntament en quau sigue recensat. En moment d’efectuar era sollicitud, er elector/tritz a de presentar era carta d’estrangèr e adjunher-ne ua fotocòpia. A de tier en compde qu'era sollicitud d’inscripcion en cens electorau ei valida sonque entàs eleccions qu'an lòc eth 27 de mai de 2007, de manèra que se s’inscriuec entàs eleccions municipaus de 2003, se vò votar enes eleccions de mai de 2007, a de presentar ua naua sollicitud.
Mès informacion en:
- Art. 13.2 dera Constitucion espanhòla.
- Art. 176 dera Lei organica 5/1985, de 19 de junh, deth regim electorau generau.
- Escambi de cartes constitutiu der Acòrd enter Espanha e Norvègia.
PER QUE PODEN VOTAR ES CIUTADANS DES PAÏSI COMUNITARIS?
Era Directiva 94/80/CE deth Conselh -posteriorament modificada pera Directiva 96/30/CE- establic era obligacion des païsi membres de reconéisher as ciutadans comunitaris eth dret de sufragi enes eleccions municipaus. Posteriorament, entà reconéisher aguest dret se modifiquèc er article 13 dera Constitucion espanhòla.
Per autant, enes eleccions municipaus deth 27 de mai de 2007, pòden votar, ath delà des espanhòus e des ciutadans norvègis, es ciutadans des païsi membres dera Union Europèa següenti:
- Alemanha
- Àustria
- Belgica
- Bulgaria
- Chipre
- Danemarc
- Eslovaquia
- Eslovènia
- Estònia
- Finlàndia
- França
- Gran Bretanha
- Grècia
- Ongria
- Irlanda
- Itàlia
- Letònia
- Lituània
- Luxemborg
- Malta
- Païses Basses
- Polonha
- Portugal
- Republica Chèca
- Romania
- Suècia
Entà poder votar, cau èster inscrit en recensament deth municipi a on se residisque abituaument e auer manifestat era volentat d’exercir eth dret de sufragi.
Mès informacion en:
- Art. 13 dera Constitucion espanhòla.
- Art. 176 dera Lei organica 5/1985, de 19 de junh, deth regim electorau generau.
- Directiva 94/80/CE deth Conselh, de 19 de deseme de 1994, pera quau se fixen es modalitats d’exercici deth dret de sufragi actiu e passiu enes eleccions municipaus per part des ciutadans dera Union residenti en un estat deth quau non siguen nacionaus.
Se pòt exercir eth dret de sufragi actiu mejançant eth VOT PERSONAU, ena mèsa electorau correspondenta, o eth VOT PER CORREU, damb era sollicitud prealabla ara delegacion provinciau deth Burèu deth Cens Electorau, que se pòt hèr en quinsevolh burèu de Corrèus deth 3 d’abriu ath 17 de mai.
Es electors residenti en estrangèr que volguen exercir eth sòn dret de sufragi enes eleccions municipaus an de hèr era sollicitud ara delegacion provinciau deth Burèu deth Cens Electorau abantes deth 28 d’abriu.
Mès informacion:
- Lei organica 5/1985, de 19 de junh, deth regim electorau generau.
Entara inscripcion en cens electorau s’auie de presentar ua sollicitud en ajuntament, en recensament deth quau s’estèsse inscrit. Eth termini de presentacion des sollicituds ère deth 15 de gèr ath 28 de hereuèr de 2007, andús includidi.
Pendent eth mes de gèr de 2007, eth Burèu deth Cens Electorau envièc ua comunicacion a toti es norvègis que figurauen inscriti enes recensaments municipaus eth 31 d’octobre de 2006.
Aguesta comunicacion s’acompanhaue d’un imprimit de sollicitud que, un còp signat, s’auie d’enviar per corrèu ara delegacion provinciau deth Burèu deth Cens Electorau correspondent enter eth 15 de gèr e eth 28 de hereuèr de 2007.
Se non auetz presentat era sollicitud entara inscripcion en cens electorau pendent eth termini establit, vos i podetz inscríuer pendent eth termini de rectificacion deth cens electorau en periòde electorau (enter eth 9 e eth 16 d’abriu).
Des deth 15 de mai de 2006 ei disponible en toti es ajuntaments er imprimit entà manifestar era volentat d’exercir eth dret de sufragi enes eleccions municipaus.
Eth Burèu deth Cens Electorau envièc a fins de seteme ua comunicacion per carta a toti es ciutadans dera Union Europèa que figurauen inscriti enes recensaments municipaus abantes der 1 de junhsèga de 2006 e que non auessen manifestat era sua volentat de votar. Amassa damb aguesta comunicacion s’adjunhèc un modèu de declaracion formau de volentat de sufragi enes eleccions municipaus que s’auie de manar per corrèu ara delegacion provinciau deth Burèu deth Cens Electorau correspondent.
S’er elector o electritz s'inscriuec en recensament municipau deth municipi a on residís dempús deth 15 de mai de 2006, podie manifestar era sua volentat de votar mejançant era signatura d’ua “declaracion formau” en madeish moment dera sua inscripcion en recensament.
Era manifestacion de volentat d’exercir eth dret de sufragi en Espanha a caractèr permanent mentre eth ciutadan seguís residint en Espanha.
Se non auetz manifestat era volentat de vòt encara podetz hè'c pendent eth termini de rectificacion deth cens electorau en periòde electorau (enter eth 9 e eth 16 d’abriu).