Presentacion

Damb eth dessenh d’aguesta wèb, eth Govèrn de Catalonha preten facilitar a toti es ciutadans e ciutadanes era informacion restacada damb es eleccions deth 27 de mai e, en especiau, era informacion sus es eleccions ath Conselh Generau d’Aran e sus era eleccion des membres des conselhs comarcaus.

Eth contengut d’aguesta wèb vos permeterà conéisher mielhor toti es procèssi electoraus qu'auràn lòc en Catalonha e vo'n facilitarà era comprenença. En aguest sens, poderatz, per exemple, consultar es calendaris electoraus, era normativa electorau aplicabla e a on auetz de votar; obtier responsa as vòstes preguntes mès freqüentes o conéisher curiositats sus eth procès; hèr eth seguiment des sondatges publicadi a compdar der inici dera campanha electorau, e consultar es resultats d’anteriors comicis o hèr eth seguiment d’auti procèssi a trauèrs des ligasons d’interès establides damb aguest efècte.

Dispausatz de tres supòrts addicionaus d’informacion entà resòlver es possibles dobtes: eth telefòn 012, d’Atencion Ciutadana; eth telefòn 93 567 64 64, der Airau de Procèssi Electoraus, e era adreça electronica locals2007@gencat.net

Ath delà, eth madeish dia 27 de mai, poderatz accedir, des de d’aguesta wèb, ara informacion sus es auanci de participacion e, a compdar deth barrament des collègis electoraus, as resultats provisionaus, autant des eleccions ath Conselh Generau d’Aran coma des eleccions municipaus a trauèrs dera ligason ath wèb deth Ministèri der Interior.

Demoram que damb aguest esturment vos sigue mès facil aprigondir enes procèssi electoraus deth pròplèu 27 de mai e trapar era informacion que vos interèsse.

Barcelona, mai de 2007