012 Telefòn d’atencion ar elector
Era votacion des residents absenti en estranger en es eleccions municipaus
- QUE EI DE BESONH ENTA PODER VOTAR DES DER ESTRANGER?
- QUE E DE HER ENTA ESTAR INSCRIT EN CENS ELECTORAU DE RESIDENTS ABSENTI?
- POGUI CONSULTAR SE SÒ INSCRIT EN CENS ELECTORAU DE RESIDENTS ABSENTI ENTAS ELECCIONS DETH 27 DE MAI?
- QUE CAU HER ENTA VOTAR ENES ELECCIONS DETH 27 DE MAI DES DER ESTRANGER?
- COMA S’A DE HER ERA SOLLICITUD DE VOT PER CORREU DES RESIDENTS ABSENTI?
- A COMPDAR DE QUIN DIA SE REMET ARA ABITANÇA ERA DOCUMENTACION QUE S’A SOLLICITAT ENTA VOTAR PER CORREU?
- QUIN TERMINI E ENTA REMANAR ETH VOT PER CORREU ARA MESA?
QUE EI DE BESONH ENTA PODER VOTAR DES DER ESTRANGER?
Entà poder votar des der estrangèr enes pròplèus eleccions deth 27 de mai s'a de besonh èster inscrit en cens electorau de residents absenti en estrangèr (CERA).
Mès informacion en:
- Art. 75 dera Lei organica 5/1985, de 19 de junh, deth regim electorau generau.
QUE E DE HER ENTA ESTAR INSCRIT EN CENS ELECTORAU DE RESIDENTS ABSENTI?
Entà figurar inscrit en cens electorau de residents absenti en estrangèr (CERA) s’a de ramplir e signar un formulari de sollicitud d’inscripcion e ua huelha explicativa dera eleccion deth municipi d’inscripcion (per exemple, eth municipi de neishement, eth darrèr lòc de residéncia, eth domicili familhar, eca.), qu'auetz ara vòsta disposicion enes burèus consulars.
Es persones majors d’edat dades de nauta en Registre de Matriculacion Consular (RMC) coma residents absenti formaràn automaticament part deth CERA.
POGUI CONSULTAR SE SÒ INSCRIT EN CENS ELECTORAU DE RESIDENTS ABSENTI ENTAS ELECCIONS DETH 27 DE MAI?
Òc. Es listres electoraus vigentes s’expausaràn enes consolats enter es dies 9 e 16 d’abriu.
Aguesta consulta ei convenenta non sonque hèr-la entà verificar se i figuratz inscriti, senon tanben entà verificar qu'es vòstes donades son corrèctes e, en cas que non en siguen, sollicitar-ne era modificacion enter es dies 9 e 16 d’abriu.
QUE CAU HER ENTA VOTAR ENES ELECCIONS DETH 27 DE MAI DES DER ESTRANGER?
Es espanhòus residents absenti que demoren en estrangèr e desiren exercir eth sòn dret a vòt en municipi de Catalonha en quau son inscriti, segontes eth cens electorau, an de sollicità’c ara correspondenta delegacion deth Burèu deth Cens Electorau non mès tard deth 28 d’abriu.
Mès informacion en:
- Art. 190 dera Lei organica 5/1985, de 19 de junh, deth regim electorau generau.
COMA S’A DE HER ERA SOLLICITUD DE VOT PER CORREU DES RESIDENTS ABSENTI?
Era persona interessada a de hèr era comunicacion per escrit e adjuntar-i ua fotocòpia deth DNI o passapòrt.
A COMPDAR DE QUIN DIA SE REMET ARA ABITANÇA ERA DOCUMENTACION QUE S’A SOLLICITAT ENTA VOTAR PER CORREU?
Enquiath 5 de mai, era delegacion provinciau deth Burèu deth Cens Electorau correspondent remanarà per corrèu certificat en domicili que hajatz soslinhat eth certificat censau amassa damb ua papereta de votacion en blanc, ua còpia dera publicacion en bolletin oficiau dera província des candidatures proclamades, era engolòpa de votacion e ua engolòpa adreçada ath president o presidenta dera mèsa ena quau vos correspon votar, ath delà d’ua huelha explicativa deth procediment que cau seguir.
Mès informacion en:
- Art. 190 dera Lei organica 5/1985, de 19 de junh, deth regim electorau generau.
QUIN TERMINI E ENTA REMANAR ETH VOT PER CORREU ARA MESA?
As d’escríuer ena papereta eth nòm deth partit, federacion, coalicion o agropacion ara quau voletz votar e un còp introdusida ena engolòpa de votacion, l’as de barrar e includir-la amassa damb eth certificat d’inscripcion en cens ena engolòpa adreçada ath president o presidenta dera mèsa, eth quau as de reméter per corrèu certificat abantes deth dia 23 de mai includit.
Mès informacion en:
- Art. 73.3 dera Lei organica 5/1985, de 19 de junh, deth regim electorau generau.