Es locaus electoraus an d’èster accessibles entà qu'es persones damb limitacions de mobilitat poguen accedir-i sense cap de dificultat.
En cas de malautia o incapacitat qu'empedisque qu'era persona se desplace personauments tà un burèu de Corrèus entà demanar era huelha de sollicitud d'inscripcion en cens electorau, eth procediment ei eth següent:
- Cau qu'era malautia sigue acreditada mejançant un certificat medicau oficiau e gratuït.
- Era sollicitud pòt efectuar-la en nòm der elector/a ua auta persona, autorizada notariaument o consolarment mejançant un document que s’estenerà de manèra individuau entar elector/a.
Eth desplaçament deth notari/ària entath domicili des electors malauts odiscapacitats, entà que les autrege eth poder notariau, ei gratuït (telefòn del Collègi de Notaris de Catalonha: 93 317 48 00).
De contunh, se seguís eth madeish procediment previst entath vòt per corrèu, totun, es accions de Corrèus se haràn damb er apoderat o apoderada dera persona malauta odiscapacitada.
Eth tèrme entà demanar eth vòt per corrèu comprenut entre era 28 d’octobre e eth 17 de deseme.
Un còp qu'era delegacion provinciau deth Burèu deth Cens Electorau arrecebe era sollicitud e verifique era inscripcion censau dera persona sollicitanta, remanarà, non mès tard deth 14 de deseme e per corrèu certificat tara adreça indicada per elector/a, era documentacion de besonh entà votar.
Un còp qu'er elector/a escuelhe era paperetade vòt, l'introdusisque ena envolòpa de votacion e la barre, a d’introdusir aguestaenvolòpa, amassa damb eth certificat d’inscripcion en cens electorau, ena envolòpa que se li envièc damb era adreça dera mèsa electorau que li correspon, e enviar-la per corrèu certificat enquiath 17 de deseme. Ampliament del tèrme: recebut que lo 17 de deseme es dimenge, lo tèrme s’agrandís fins diluns, 18 de deseme, en los oraris abituals dubertura dels burèus de corrièrs e al pus mai fins a las 14.00 oras. Nau mpliament de tèrme: lo tèrme s’agrandís fins dimars, 19 de deseme, en los oraris abituals d’dubertura dels burèus de corrièrs e al pus mai fins a las 14.00 oras.
