Er escrutinh enes meses electoraus

EN QUIN ORDE SE HARA ER ESCRUTINH DES MESES?

• En prumèr lòc, er escrutinh correspondent as eleccions locaus.
• En dusau lòc, er escrutinh correspondent as eleccions ath Conselh Generau d’Aran.

COM SE HE ER ESCRUTINH O RECOMPDE DES MESES?

Er escrutinh se hè dera manèra següenta:

• Eth president extrè, ua per ua, es engolòpes dera orna e lieg en votz nauta era denominacion dera candidatura
• Eth president a de mostrar cada papereta as vocaus, interventors e apoderadi
• Un còp finalizat eth recompde, se resòlven per majoria es possibles dobtes e/o protèstes que i pogue auer.
• Posteriorament, eth president a d’anonciar en votz nauta eth resultat, en tot especificar eth numerò d’electors censadi, eth de certificats censaus aportadi, eth numerò de paperetes nulles, eth de vòts en blanc e eth de vòts obtengudi per cada candidatura.
• Cau penjar ena pòrta deth collègi electorau ua còpia dera acta d’escrutinh.

POGUI PRESENCIAR ER ESCRUTINH DES VOTS?

Òc, quinsevolh persona pòt presenciar er escrutinh des vòts de quinsevolh mèsa. Er escrutinh ei public.

SE POT SOLLICITAR ER EXAMEN D’UA PAPERETA LIEJUDA PETH PRESIDENT O PRESIDENTA EN ESCRUTINH?

Sonque es notaris, en exercici des sues foncions, es candidats e es representants des candidatures, s'an dobtes sus eth contengut d’ua papereta liejuda peth president o presidenta dera mèsa en escrutinh, pòden demanar-la en acte entà examinar-la. Es vocaus dera mèsa e es interventors non an de besonh sollicitar aguest examen, pr'amor qu'eth president/a a d’ensenhar-les cada papereta dempús de lieger-la.

QUE S’A DE HER SE S’OBSERVE QUAUQUA IRREGULARITAT EN ESCRUTINH?

Quinsevolh elector o electritz qu'obsèrve quauqua irregularitat en escrutinh pòt manifestà'c en concludir er escrutinh e era sua protèsta o reclamacion s’a de hèr constar ena acta dera session.

QUE EI UN VOT EN BLANC?

Ei vòt en blanc, en aguestes eleccions, eth dera engolòpa que non contengue papereta e eth vòt emetut en favor d’ua candidatura legaument retirada.

QUE EI UN VOT NUL?

Son vòts nulli:

• es que s’emeten en ua engolòpa o damb ua papereta disparières des oficiaus.
• es vòts des paperetes introdusides ena orna sense engolòpa.
• es des engolòpes que contenguen mès d’ua papereta de disparièra candidatura (s'era engolòpa conten diuèrses paperetes dera madeisha candidatura, eth vòt ei valid, mès compde coma un de solet).
• es vòts en paperetes o engolòpes damb raiades, apondis o modificacions o enes quaus s’age escrit quinsevolh causa o s’age produsit quinsevolh tipe d’alteracion.

QUE SON ES VOTS VALIDS?

Son vòts valids era soma des vòts en favor de candidatures que non agen estat anulladi per quauque defècte e des vòts blanqui. Es vòts nulli non se compden coma vòts valids.

QUE SE HE DAMB ES PAPERETES UN VIATGE FINALIZAT ER ESCRUTINH?

Es paperetes s’an de destruïr, en preséncia des concurrents, immediatament dempús de finalizar er escrutinh, damb excepcion d’aqueres paperetes que non agen estat declarades valides e des qu'agen estat objècte de quauqua reclamacion. Aguestes paperetes se consèrven damb era acta dera session, entà futures reclamacions e recorsi.

COM EI POSSIBLE CONEISHER ES RESULTATS PROVISIONAUS TANLEU?

Es resultats se coneishen tanlèu pr'amor que i a un complèxe e auançat procediment de transmission dera informacion que, basicament, ei eth següent:

• En cada mèsa electorau i a un representant dera Administracion que, un còp acabat er escrutinh, recep deth president/a dera mèsa ua còpia dera acta d’escrutinh des resultats d’aguesta mèsa.
• Immediatament, eth representant dera Administracion o eth coordinador deth collègi electorau, se cau, transmet telefonicament o telematicament era informacion ath Centre de Recuelhuda d’Informacion (CRI).
• En CRI aguestes donades se graven e/o transmeten a un ordinador centrau, en quau, a mesura que se receben es resultats des circonscripcions complètes, s’apliquen es formules legaus correspondentes.
  

QUAN SE HE ER ESCRUTINH DEFINITIU?

Es juntes electoraus de zòna haràn er escrutinh definitiu enes eleccions municipaus enter eth 30 mai e eth 2 de junh. En cas des eleccions ath Conselh Generau d’Aran, er escrutinh definitiu lo harà era Junta Electorau Provinciau de Lhèida.

QUAN SE HARA ERA PROCLAMACION OFICIAU DES ELEGIDI?

Era proclamacion des candidats elegidi as eleccions municipaus e ath Conselh Generau d’Aran les haràn es juntes electoraus de zòna e era Junta Electorau Provinciau de Lhèida, respectivament, a compdar der 1 de junh. Se s’auesse presentat un recors contra era resolucion des juntes electoraus de zòna o dera Junta Electorau Provinciau de Lhèida, aguesta proclamacion se harà a compdar der 11 de junh.

QUAN EI ERA CONSTITUCION DES AJUNTAMENTS?

Es ajuntaments se constituïssen en session publica passadi vint dies des dera data des eleccions, ei a díder, eth dia 16 de junh. Se s’auesse interpausat recors contenciós electorau contra era proclamacion des còssos elegidi, era constitucion des corporacions municipaus se harà eth 6 de junhsèga.