Constitucion des Conselhs comarcaus e es deputacions provinciaus

QUAN SE HE ETH DESPARTIMENT DES LOCS DES CONSELHS COMARCAUS E DES DEPUTACIONS PROVINCIAUS?

Eth despartiment des lòcs des conselhs comarcaus e des deputacions provinciaus se hè un còp constituïdi es ajuntaments dera comarca o dera província, respectivament.

Mès informacion en:

Art. 205 dera Lei organica 5/1985, de 19 de junh, deth regim electorau generau.
Art. 20.2 deth Decrèt legislatiu 4/2003, de 4 de noveme, peth quau s’apròve eth Tèxte rehonut dera Lei dera organizacion comarcau de Catalonha.

QUIN EI ER ORGAN COMPETENT ENTA HER ETH DESPARTIMENT DES LOCS DES CONSELHS COMARCAUS E DES DEPUTACIONS PROVINCIAUS?

Es organs competenti de procedir ath despartiment des lòcs des conselhs comarcaus son es juntes electoraus provinciaus, e des lòcs des deputacions provinciaus, es juntes electoraus de zòna.

QUIN EI ETH PROCEDIMENT ENTA HER ERA ASSIGNACION DES LOCS DES CONSELHS COMARCAUS?

Era junta electorau provinciau correspondenta a d’assignar a cadun des partits, des coalicions, des federacions e des agropacions qu'agen obtengut eth 3% o mès des vòts dera comarca, eth numerò de lòcs que les corresponen, cossent damb les règles següentes:

a) Se calcule eth percentatge de còssos que correspon a cada partit, coalicion, federacion o agropacion sus eth totau de còssos de toti es ajuntaments dera comarca.
b) Se calcule eth percentatge de vòts que correspon a cada partit, coalicion, federacion o agropacion sus eth totau des vòts emetudi ena comarca.
c) Se multipliquen es percentatges dera letra a) per 1/3 e es dera letra b), per 2/3, e se somen es resultats.
d) S’ordenen en colomna es partits, es coalicions, es federacions e es agropacions, de mès grana a mès petita, cossent damb eth percentatge compausat definit pera letra c).
e) Se dividís eth percentatge compausat de cada formacion politica per un, dus, tres o mès, enquiath numerò igual ath de lòcs correspondenti ath conselh comarcau en tot seguir era metodologia dera lei d’Hondt. Es lòcs s’atribuïssen as listres as quaus corresponen es quocients majors e se procedís ara atribucion per orde decreishent.

Mès informacion en:

Art. 20.5 deth Decrèt legislatiu 4/2003, de 4 de noveme, peth quau s’apròve eth Tèxte rehonut dera Lei dera organizacion comarcau de Catalonha.

COM SE HE ERA DESIGNACION DES MEMBRES DES CONSELHS COMARCAUS?

Un còp hèta era assignacion de lòcs, era junta electorau provinciau convòque separadament, laguens des cinc dies següenti, as representants des partits politics, des coalicions, des federacions o des agropacions qu'an obtengut lòcs en conselh comarcau entà que designen as persones qu'an d'èster proclamades membres enter es qu'an era condicion de còssos des municipis dera comarca e, ath delà, es suplentes qu'an d’aucupar es vacantes eventuaus, en numerò minim de cinc, o igual ath numerò de candidats o candidates, s'es lòcs que corresponen non arriben ad aguesta chifra.

Mès informacion en:

Art. 21.1 deth Decrèt legislatiu 4/2003, de 4 de noveme, peth quau s’apròve eth Tèxte rehonut dera Lei dera organizacion comarcau de Catalonha.

QUAN SE CONSTITUÏSSEN ES CONSELHS COMARCAUS?

Es conselhs comarcaus se constituïssen en session publica eth prumèr dia abil dempús de passadi 15 dies naturaus des der acte de proclamacion des membres elegidi, ei a díder, a compdar deth 9 de junhsèga.

Mès informacion en:

Art. 22.1 deth Decrèt legislatiu 4/2003, de 4 de noveme, peth quau s’apròve eth Tèxte rehonut dera Lei dera organizacion comarcau de Catalonha.

QUIN EI ETH PROCEDIMENT ENTARA ASSIGNACION DES LOCS DES DEPUTACIONS PROVINCIAUS?

Constituïdi toti es ajuntaments de cada província, es juntes electorau de zòna hèn ua relacion de toti es partits politics, coalicions, federacions e agropacions d’electors qu'agen obtengut aumens un còsso laguens deth partit judiciau, en tot ordenar-les en orde decreishent segontes es vòts obtengudi per cadun d’eri.
Un viatge realizada aguesta operacion, era junta electorau de zòna procedís a hèr eth despartiment des lòcs que corresponen as formacions politiques mejançant eth procediment dera lei d’Hondt, segontes eth numerò de vòts obtengudi.

Mès informacion en:

Art. 205 dera Lei organica 5/1985, de 19 de junh, deth regim electorau generau.

COM SE HE ERA DESIGNACION DES MEMBRES DES DEPUTACIONS PROVINCIAUS?

Un còp hèta era assignacion de lòcs, era junta electorau de zòna convòque separadaments, laguens des cinc dies següenti, as còssos des partits politics, coalicions, federacions e agropacions qu'agen obtengut lòc de deputats, entà qu'elegisquen enter es listres de candidats avalizades, aumens, per un tèrç d’aguesti còssos, es qui auràn d'èster proclamadi deputats, en tot elegir, ath delà, tres suplents. Un còp efectuada era eleccion, era junta electorau de zòna proclame es deputats elegidi e es suplents.

Mès informacion en:

Art. 206 dera Lei organica 5/1985, de 19 de junh, deth regim electorau generau.

QUAN SE CONSTITUÏSSEN ES DEPUTACIONS PROVINCIAUS?

Era constitucion des deputacions provinciaus a lòc eth cincau dia abil posterior ara proclamacion des deputats elegidi, ei a díder, eth 28 de junh. Se s’auesse presentat un recors contenciós electorau contra era proclamacion de còssos elegidi aguesta session aurà lòc eth 18 de junhsèga.