Vòt per corrèu

EN ESPANHA

Eth procediment que cau seguir entà votar per corrèu ei eth següent:

Des dera data dera convocatòria des eleccions enquiath 17 de mai er elector a de presentar en quinsevolh burèu de corrèus, personalament e en tot presentar er originau deth DNI, passapòrt o permís de condusir, ua sollicitud de certificat d’inscripcion en cens. En cas d’estrangèrs (comunitaris o norvègis) que vòten enes eleccions municipaus era verificacion se realizarà mejançant era carta d’estrangèr.
Sonque en cas de malautia o incapacitat acreditades mejançant certificat medicau pòt ua persona distinta ara interessada, autorizada notarialament o consularament, sollicitar aguest certificat.
Un viatge qu'era delegacion provinciau deth Burèu deth Cens Electorau correspondent age recebut era sollicitud e age verificat era inscripcion censala dera persona sollicitanta, li manarà per corrèu certificat en sòn domicili eth certificat sollicitat amassa damb es paperetes e era engolòpa de votacion e ua engolòpa adreçaa ath president dera mèsa ena quau li correspon votar, ath delà d’ua huelha explicativa deth procediment que s’a de seguir.
Un còp er elector age escuelhut era papereta de vòt e l’age introdusit ena engolòpa de votacion, la barrarà e la introdusirà, amassa damb eth certificat, ena engolòpa adreçada ath president dera mèsa e la remeterà per corrèu certificat non mès tard deth 23 de mai. Er enviament d’aguesta engolòpa non a de besonh afranquiment e non ei de besonh liurar-la personalament en burèu de Corrèus.

Cau tier en compde qu'un viatge enviada era sollicitud de vòt per corrèu, ja non se poderà votar personalament ena mèsa electorau.

DES DER ESTRANGÈR

Entà poder votar des der estrangèr ei de besonh èster inscrit en cens de residents absenti (CERA).
Es espanhòus residents absenti que demoren en estrangèr e volguen exercir eth sòn dret de vòt en municipi de Catalonha en quau son inscriti, segontes eth cens electorau, auràn de sollicita’c ara correspondenta delegacion provinciau deth burèu deth Cens Electorau non mès tard deth 28 d’abriu. Aguesta sollicitud s’aurà de hèr per escrit e adjúnher-i ua fotocòpia deth DNI o passapòrt.
Enquiath 5 de mai, era delegacion provinciau deth Burèu deth Cens Electorau correspondent manarà per corrèu certificat entara adreça que s’age soslinhat eth certificat censal amassa damb ua papereta de votacion en blanc, ua còpia dera publicacion en bolletin oficiau dera província des candidatures proclamades, era engolòpa de votacion e ua engolòpa adreçada ath president dera mèsa ena quau li correspon votar, ath delà d’ua huelha explicativa deth procediment que s’a de seguir.
Cau escríuer ena papereta eth nòm deth partit, federacion, coalicion o agropacion ara quau se volgue votar e introdusir-la ena engolòpa de votacion, barrar-la e introdusir-la, amassa damb eth certificat, ena engolòpa adreçada ath president dera mèsa. Aguesta engolòpa s’a de manar per corrèu certificat abantes deth 23 de mai inclusivament.