- Accedir ar espaci Eth mèn dorsièr
- Configuracion der Adobe Reader
- Certificacion digitau
- Archius adjunti enes formularis de sollicitud
- DNI electronic
- Qüestions mès frequentes
- Inici
- Qüestions mès frequentes
- Certificats digitaus
Certificats digitaus
Qué ei un certificat digitau e entà qué l'auetz de besonh?
Un certificat digitau, emetut per ua autoritat de certificacion e admetut pera Consòrci Administracion Dubèrta de Catalunya entara identificacion dauant es administracions publiques catalanes, vos permet realizar tramitacions en linha damb plees garanties juridiques.
Ath delà d'identificar-vos, podetz signar es documents electronics damb era madeisha validesa legau qu'era signatura manuscrita.
A diferéncia de d'auti metòdes d'identificacion com eth còdi d'usatgèr e era contrasenya, damb un certificat digitau podetz signar es documents electronics damb validesa legau.
Com podetz arténher un certificat digitau?
Tà obtier un certificat digitau acceptat enes servicis de tramitacion corporatius dera Generalitat de Catalonha seguitz, eth procediment que s'explique en espaci web dera entitat certificadora que l'emet. Generaument, es certificats emetudi per entitats certificadores privades an un còst economic.
Podetz consultar era relacion des principaus certificats acceptadi e es perfils d'acreditacion damb es quaus se pòden hèr a servir, atau coma es adreces web a on podetz obtier-les, en apartat sus certificats digitaus d'aguest web.
Tà tramitar en linha non s'admet era signatura damb ID digitau autogenerat mejançant eth programari d'Adobe.
Qué vò díder signatura electronica?
Era signatura electronica avançada ei un mecanisme criptografic que garantís ath destinatari era procedéncia e era integritat deth document enviat per emissor. Eth chifrat dera informacion assegure qu'aguesta non a estat manipulada per tresaus abans d'arribar ath sòn destinatari. Damb er us dera signatura electronica auançada se garantís qu'es credenciaus utilizades son legitimes e determinen era volentat deth signatari.
Perqué ei important auer un certificat digitau?
Eth certificat digitau ei er unic mecanisme d'identificacion permetut entà hèr usatge des servicis de tramitacion corporativa dera Generalitat de Catalonha que requerissen aguesta identificacion.
Er usatge de certificat ei de besonh entath liurament de toti aqueri formularis de sollicitud que requerissen identificacion e/o signatura electronica. Se les descargatz prèvia identificacion damb certificat digitau, se mostraràn es vòstes donades d'identitat incorporades.
Ath delà, se voletz accedir tar espaci "Eth mèn dorsièr", que facilite eth seguiment des vòsti procediments e gestions de manèra centralizada, sonque ac podetz hèr damb un certificat digitau valid.
Quini certificats digitaus s'accèpten?
Se pòden hèr a servir toti es certificats digitaus d'aqueres entitats de certificacion que siguen classificades pera Consòrci Administracion Dubèrta de Catalunya coma valides entà identificar as ciutadans e as empreses dauant des administracions publiques catalanes.
Cau auer en compde qu'entà cada servici o tramitacion pòt demorar restringida era relacion de certificats acceptats, depenent de çò que determinen es aspèctes particulars dera sua politica de seguretat e/o normativa.
Com pogui saber quini tipes de certificat è d'utilizar?
Es certificats digitaus non sonque acrediten era identitat deth sòn possedidor, senon que, en fòrça cassi, determinen era vinculacion a ua entitat o collectiu e eth sòn grad de representacio envèrs aguest. Aguesta acreditacion ei determinada peth certificat digitau que hèr a servir er usatgèr e era informacion qu'aguest incorpòre.
Es opcions d'acreditacion admetudes son es següentes:
- Persona fisica: Era persona identificada actue a títol personau.
- Persona vinculada a ua organizacion sense capacitat de representacion: En un àmbit a on era persona identificada pertanh a un collectiu professionau e/o empresariau, pòt actuar en nòm pròpri mès non pòt actuar en nòm deth collectiu o empresa.
- Persona vinculada a ua organizacion damb capacitat de representacion: Era persona identificada pertanh a un collectiu professionau e/o empresariau e pòt actuar en nòm deth collectiu o empresa.
- Persona juridica: Era persona identificada pertanh a un collectiu professionau e/o empresariau e s'identifique com eth pròpri collectiu o empresa.
- Persona fisica adscrita a un collectiu professional: En un àmbit a on era persona identificada pertanh a un collectiu de professionaus collegiadi e pòt actuar en nòm pròpri, se s'escatz.
Com podetz arténher un idCAT?
Er idCAT ei eth certificat digitau qu'emet era Consòrci Administracion Dubèrta de Catalunya e qu'era Generalitat de Catalonha met ara man dera ciutadania.
I a dues manères d'obtier-lo:
- A travès deth web de l'idCAT. Un viatge introdusides es donades necessàries tà obtier eth certificat digitau en formulari de sollicitud, era aplicacion vos informarà des desparières Entitats de Registre idCAT (ER idCAT), burèus a on vos auratz de presentar damb eth document acreditatiu d'identitat e a on validaràn era vòsta sollicitud.
Tà poder utilizar eth certificat idCAT, auratz de seguir es instruccions qu'apareishen en document que vos liurarà er operador. - Dirigint-vos tà quinsevolh des Entitats de Registre idCAT, a on emeteràn eth vòste certificat idCAT sense auer hèt era sollicitud prèviament. Tà poder utilizar eth certificat idCAT, auratz de seguir es instruccions qu'apareishen en document que vos liurarà er operador. Damb aguest certificat podetz amiar procediments damb era Administracion publica locau, autonomica o der Estat.
Pogui hèr a servir eth DNI electronic?
Òc, ei un des tipes de certificat entà persones fisiques acceptadi entà poder hèr usatge des servicis de tramitacion en linha corporatius dera Generalitat de Catalonha. Vos recomanam que liejatz er apartat Aspèctes tecnics a tier en compde se hètz eth procediment damb DNI electronic entà evitar problèmes en signar documents damb Adobe Reader X e XI.
