- Accedir ar espaci Eth mèn dorsièr
- Configuracion der Adobe Reader
- Certificacion digitau
- Archius adjunti enes formularis de sollicitud
- DNI electronic
- Qüestions mès frequentes
- Inici
- Qüestions mès frequentes
- Coma tramitar en linha
Coma tramitar en linha
- Com auetz de descargar un formulari de tramitacion en linha?
- A on vos podetz descargar era darrèra version d'Adobe Acrobat Reader?
- Com podetz tornar tara informacion generau dera tramitacion (normativa, tèrmes, requisits)?
- A on podetz trobatz era documentacion que requerís eth procediment?
- Quin tipe de documents se pòden adjúnher as formularis?
- Quina ei era mesura maximala entà cadun des documents que adjunteu damb eth formulari de sollicitud?
- Com se pòt redusir era mesura des documents adjunhudi?
- Com auetz d'escanejar un document tà adjúnher?
- Se pòden adjúnher documents un viatge enviat eth formulari de sollicitud?
- Com podem hèr un pagament d'un procediment se ja auem enviat eth formulari de sollicitud?
- Qué signifique validar un formulari?
- Com podetz modificar un formulari un viatge validat?
- Podetz interrómper era tramitacion e continuar en quinsevolh moment?
- Com heu d'enviar un formulari per a la seva tramitació electrònica?
- Entà qué servís un acusament de recebuda?
Com auetz de descargar un formulari de tramitacion en linha?
Ena pagina de tramitacion en linha trobaratz er enlaç tà descargar eth formulari. Se vos identificatz damb un certificat digitau, auratz era opcion de descargar-lo damb es vòstes donades d'identificacion incorporades.
Un viatge descargat, tà daurir-lo e aumplir-lo auratz d'auer installada era darrèra version d'Adobe Acrobat Reader en vòste ordenador. Eth selector filtre resultats aquiu a on vos trobaratz ena navegacion per tèmes. Damb es desparières combinatòries en selector podetz hèr que sonque apareishen es procediments qu'an es caracteristiques mercades.
Informacion sus coma descargar un formulari.
A on vos podetz descargar era darrèra version d'Adobe Acrobat Reader?
Des dera pagina de descarga deth formulari trobaratz un enlaç permanent ena pagina de descarga dera darrèra version d'Adobe Acrobat Reader.
Com podetz tornar tara informacion generau dera tramitacion (normativa, tèrmes, requisits)?
Des dera pagina a on auetz descargat eth formulari clicatz sus era opcion "tornar" e accediratz tara pagina principau deth procediment.
A on podetz trobatz era documentacion que requerís eth procediment?
Ena pagina informativa des procediments, anatz tara seccion "Passos a seguir per" tà accedir tà tota era informacion que descriu eth procediment corresponent de tramitacion, includint-i era documentacion requerida.
Quin tipe de documents se pòden adjúnher as formularis?
Eth tipe de documents que se pòden adjúnher e era sua mesura maxima se definissen entà cada tramitacion. Consultatz era seccion "Què cal fer per..." dera pagina informativa dera tramitacion corresponent tà disposar d'aguesta informacion.
Quina ei era mesura maximala entà cadun des documents que adjunteu damb eth formulari de sollicitud?
Era mesura maximala de cada document adjunt pòt variar segons eth tramit en tot tier en compde qu'era mesura maximala d’un formulari (documents adjunti includidi) non pòt superar es 5 Mbytes.
Com se pòt redusir era mesura des documents adjunhudi?
Podetz redusir era mesura d'un document adjunhut mejançant quauqu'ua des solucions següentes:
- Se se tracte d'imatges, convertitz-les a format jpg. damb ua resolucion de 150 ppp.
- Se se tracte de documents escanejats, hetz er escanejat en blanc e nere e non en color o escala de grisi.
- Non imprimitz documents tà escanejar-les posteriorament; ei mielhor imprimir-les dirèctament en PDF, mejançant era opcion "Imprimir". Ena version 2010 de Word, açò tanben se pòt hèr damb era opcion "Anomena i desa".
Com auetz d'escanejar un document tà adjúnher?
Quan escanegetz documents en format PDF ei aconselhable qu’era qualitat d'impression non sigue superiora a 200 ppp. Ei preferible hè’c en blanc e nere.
Se pòden adjúnher documents un viatge enviat eth formulari de sollicitud?
S’eth procediment ac permet, se pòden adjúnher documents un viatge enviat eth formulari de sollicitud:
- S’auetz un certificat digitau, entratz en espaci "Eth mèn dorsièr" e acceditz en apartat "Tràmits". Aquiu poderatz anar tath tramit en qUestion e adjúnher es documents des der apartat "Documentació".".
- Se non auetz un certificat digitau, cau qu’entretz en espaci "Estat des mies gestions" e introdusitz eth còdi de procediment (ID) der acusament de recebuda e eth vòste DNI. Un viatge laguens, anatz tar apartat "Documentació" a on poderatz adjúnher es documents.
Com podem hèr un pagament d'un procediment se ja auem enviat eth formulari de sollicitud?
S’era tramitacion ac permet, se pòt hèr eth pagament un viatge enviada era sollicitud:
- S’auetz un certificat digitau, entratz en espaci "Eth mèn dorsièr" e acceditz en apartat "Tràmits". Aquiu poderatz accedir tath procediment en question e hèr eth pagament des der apartat "Pagaments".
- Se non auetz un certificat digitau, cau qu’entretz en espaci "Estat des mies gestions" e introdusitz eth còdi de procediment (ID) der acusament de recebuda e eth vòste DNI. Un viatge laguens, cau qu’anetz tar apartat "Pagaments" e seguitz es instruccions que vos indiquen.
Qué signifique validar un formulari?
Un formulari demorarà validat se totes es donades obligatòries an estat corrèctament aumplides e es documents obligatòris annexadi. Tà validar-lo cau sarrar eth boton "Validar" plaçat ara fin. S’era validacion mòstre errors, cau nomentar-les e tornar a sarrar eth boton enquia qu’era validacion resulte corrècta.
S’eth formulari requerís signatura electronica, aguesta se demane un viatge s'a validat corrèctament eth formulari.
Entà poder enviar un formulari cau qu’aguest se tròbe validat (e signat, se cau) corrèctament.
Com podetz modificar un formulari un viatge validat?
Tà modificar un formulari un viatge validat, l'auetz de desbloquejar des deth boton "Desbloquejar" qu’apareish ara fin deth formulari.
Podetz interrómper era tramitacion e continuar en quinsevolh moment?
Se per bèth motiu vos arturatz, podetz deishar era sollicitud en vòste ordenador e continuar damb er aumpliment mès entà dauant. Cau qu’ajatz en compde era data limit de presentacion, se cau, dera tramitacion que desiretz realizar.
Com auetz d'enviar un formulari entara sua tramitacion electronica?
Un viatge auetz validat, signat electronicament, se cau, e deishat eth formulari en vòste ordenador, podetz enviar-lo des dera pagina de tramitaciom des dera quau vos auetz descargat eth formulari de sollicitud.
Entà qué servís un acusament de recebuda?
Aguest document ei eth resguard electronic dera presentacion der sollicitud. I trobaratz eth còdi identificador deth procediment (ID), eth numero de registre e era data de registre.
Er acusament de recebuda ei signat electronicament pera Administracion tà pr’amor de dotar-lo de validesa legau a efèctes juridics.
Tanben pòt incorporar, se cau, informacion relativa as requeriments de liurament de documentacion e/o pagament pendents o d’auta informacion d'interès.
Ei recomanable que deishetz er acusament de recebuda en vòste ordenador.
