Resultats electoraus
Es representants dera Administracion assignadi enes mèses electoraus, un còp acabat er escrutinh, receben des presidents/es des mèses electoraus ua còpia des actes d’escrutinh des resultats d'aguesta mèsa.
Immediatament, es representants dera Administracion transmeten telefonicament o telematicament era informacion ath Centre de Recuelhuda d’Informacion (CRI).
En CRI aguestes donades se graven e/o transmeten a un ordinador centrau, en quau, a mesura que se van recebent es resultats des circonscripcions complètes, se van aplicant es formules legaus corresponentes.
- En cas des eleccions municipaus, es juntes electoraus de zòna (JEZ) començaràn er escrutinh definitiu eth dia 27 de mai de 2015, eth quau aurà d’acabar non mès enlà deth 30 de mai de 2015.
- En cas des eleccions ath Conselh Generau d’Aran, er escrutinh definitiu lo harà era Junta Electorau Provinciau (JEP) de Lhèida, en madeish periòde.
Era proclamacion oficiau des elèctes se harà entre eth 31 de mai e eth 8 de junh (ambdús includidi). Es proclamacions des candidats elèctes as eleccions municipaus e ath Conselh Generau d´Aran, les haràn es juntes electoraus de zòna, en cas des eleccions municipaus, e era Junta Electorau Provinciau de Lhèida, en cas deth Conselh Generau d´Aran, respectivament.
