Drets e déuers des electors
Non. Eth vòt ei universau, liure, igual, dirècte e secrèt.
En cap cas pòt èster coaccionat, jos cap desencusa, en exercici deth sòn dret de sufragi, n’èster obligat a revelar eth sòn vòt.
Mès informacion en:
Art. 13 e 23 dera Constitucion espanhòla.
Art. 2 e 5 dera Lei organica 5/1985, de 19 de junh, deth regim electorau generau.
Non. Pòt votar en un unic procés.
Totun, a de tier en compde qu’en supausat cas de convocatòria de diuèrsi procèssi electoraus entath madeish dia dera votacion, exercirà eth dret a vòt en un acte unic. Ei a díder, non poderà votar en moments diferenti ena madeisha jornada electorau.
Damb caractèr generau, enes eleccions municipaus e ath Conselh Generau d’Aran, pòden exercir eth dret de vòt toti es espanhòus majors d’edat eth dia dera votacion, residenti en Catalonha o en Aran, respectivament.
Entà exerci-lo ei requisit indispensable èster inscrit/a enes listes deth cens electorau.
Ath delà des espanhòus majors d’edat eth dia dera votacion, tanben pòden votar:
- Es ciutadans dera Union Europèa residenti en Catalonha e Aran e
- Es residenti estrangèrs en Espanha de païsi damb acòrds subscriti que permeten eth vòt enes eleccions municipaus (veigue es questions següentes).
Mès informacion en:
Art. 13 dera Constitucion espanhòla.
Art. 2 e 176 dera Lei organica 5/1985, de 19 de junh, deth regim electorau generau.
Non pòden votar:
- Es condemnadi per senténcia judiciau fèrma a pena de privacion deth dret de sufragi.
- Els declaradi incapaci per senténcia judiciau fèrma, tostemp qu’aguesta senténcia declare exprèssament era incapabilitat entar exercici deth dret de sufragi.
- Es persones intèrnes en un espitau psiquiatric damb autorizacion judiciau, pendent eth periòde que dure er internament, tostemp qu’ena autorizacion eth jutge declare exprèssament era incapabilitat entar exercici deth dret de sufragi.
Mès informacion en:
Art. 3 dera Lei organica 5/1985, de 19 de junh, deth regim electorau generau.
Òc. Totes es persones qu’ajatz 18 ans eth dia 24 de mai de 2015 podetz votar.
Mès informacion en:
Art. 85.2 dera Lei organica 5/1985, de 19 de junh, deth regim electorau generau.
Entà exercir eth dret de vòt en aguestes eleccions municipaus, cau que sigue inscrit/a en cens electorau d’estrangèrs residenti en Espanha, un còp hèta era sollicitud prealabla d’inscripcion.
Era sollicitud a validesa, exclusivament, entàs eleccions deth 24 de mai de 2015 e eth tèrme d’inscripcion acabèc eth 15 de gèr 2015.
Ath delà dera sollicitud d’inscripcion en cens electorau, es requisits qu’a de complir tà que sigue acceptada son es següenti:
- Auer 18 ans o mès e non èster privat deth dret de sufragi actiu.
- Èster inscrit en padron municipau d’abitants.
- Èster en possession dera autorizacion de residéncia en Espanha.
- Auer residit en Espanha, legaument e ininterrompudament, eth temps exigit en Acòrd corresponent:
- Auer residit cinc ans en Espanha en moment dera sollicitud entàs nacionaus: Bolívia, Cap Verd, Chile, Colòmbia, Corèa, Equador, Islàndia, Naua Zelanda, Paraguai, Perú e Trinitat e Tobago.
- Auer residit tres ans en Espanha entàs nacionaus de Noruega.
Complir era rèsta de requisits que siguen establits en Acòrd corresponent.
Mès informacion en:
Art. 13.2 dera Constitucion espanhòla.
Art. 176 dera Lei organica 5/1985, de 19 de junh, deth regim electorau generau.
Òc. Pòden votar es ciutadans des 27 païsi membres dera Union Europèa (UE):
- Alemanha, Àustria, Belgica, Bulgària, Croàcia, Danemarc, Eslovàquia, Eslovènia, Estònia, Finlàndia, França, Grècia, Ongria, Irlanda, Itàlia, Letònia, Lituània, Luxemborg, Malta, Païsi Baishi, Polonha, Portugal, Regne Unit, Republica Chèca, Romania, Suècia e Chipre.
Es requisits de participacion des ciutadans dera UE residenti en Espanha son:
- Èster nacionau de quauque estat membre dera UE.
- Èster empadronat en un municipi deth territòri espanhòu.
- Auer 18 ans o mès en moment de celebrar-se eth procés electorau.
- Non auer cap empediment legau.
- Auer manifestat, non mès enlà deth 30 de deseme de 2014, era volontat d’exercir eth dret de vòt.
- Èster inscrit en cens electorau.
Totun, es ciutadans dera UE qu’agen manifestat era volontat de votar en anteriors procèssi electoraus e seguisquen residint en Espanha, mantien era condicion d’electors, sense besonh de demanà’c de nau.
Mès informacion en:
Art. 13 dera Constitucion espanhòla.
Art. 176 dera Lei organica 5/1985, de 19 de junh, deth regim electorau generau.
Directiva 94/80/CE deth Conselh, de 19 de deseme de 1994, pera quau se fixen es modalitats d’exercici deth dret de sufragi actiu e passiu enes eleccions municipaus per part des ciutadans dera Union residenti en un estat deth quau non siguen nacionaus.
Pòt exercir eth dret de vòt mejançant:
- Vòt presenciau (vòt en orna).
- Vòt per corrèu (des der Estat espanhòu).
- Vòt per corrèu des de dehòra der Estat espanhòu:
- Electors que se tròben temporaument en estrangèr (ERTA).
- Electors que se tròben en nauta mar o destacats en missions internacionaus.
- D’auti procediments de votacion:
- Electors que per motius de salut non pòden anar tara mèsa eth dia dera votacion.
Mès informacion en:
Art. 72 e seg. Dera Lei organica 5/1985, de 19 de junh, deth regim electorau generau.
Art. 3 e seg. Deth Reiau decrèt 161/2007, de 7 de deseme, peth quau se regule un procediment de votacion entàs ciutadans espanhòus que se tròben temporaument en estrangèr.
