Vòt presenciau (vòt en Mèsa)
Eth Burèu deth Cens Electorau envie a toti es electors ua targeta censau a on figure era seccion ena quau ei censat cada elector/a e era mèsa a on li correspon votar, damb era adreça deth collègi electorau.
Tanben pòt hèr era consulta:
-
Presenciaument, en sòn ajuntament o ena delegacion provinciau deth Burèu deth Cens Electorau a on sigue empadronat.
A trauèrs deth servici d´atencion telefonica 901 101 900.
A trauèrs dera pagina web der INE: http://www.ine.es.
Se pòt identificar mejançant eth document nacionau d´identitat (DNI), eth passapòrt o eth permís de condusir a on apareishque era fotografia dera persona titulara.
En cas d´electors estrangèrs, era identificacion se hè mejançant era targeta d´identitat d´estrangèr (TIE).
Aguesti documents an d´èster documents originaus, encara que siguen caducadi. Non son valides es fotocòpies.
Mès informacion en:
- Art. 85 dera Lei organica 5/1985, de 19 de junh, deth regim electorau generau.
Non. Eth vòt ei personau e non se pòt exercir per delegacion. S´ua persona ei empedida o a dificultats entà votar, pòt hè´c per corrèu o hèr-se ajudar per quauquarrés en qui age confiança entà premanir eth vòt e acompanhar-la a votar.
Es persones damb discapacitat que non poguen exercir eth dret de vòt en persona, pòden hè´c per corrèu.
Mès informacion en:
- Art. 8 deth Reiau decrèt 605/1999, de 16 d´abriu, de regulacion complementària des procèssi electoraus.
Òc. Es electors que trabalhen eth dia des eleccions pòden disposar, laguens der orari de trabalh, d´enquia quate ores entar exercici deth dret de sufragi, es quaus seràn retribuïdes. Quan eth trabalh sigue en jornada redusida, s´efectuarà era corresponenta reduccion proporcionau deth permís.
Non. Es trabalhadors qu´agen jornada obranta damb un orari que non coïncidisque ne totaument ne parciaument damb eth dera votacion non an dret a demanar cap de permís ara empresa.
Eth justificant l´a de sollicitar ena mèsa electorau eth madeish dia dera votacion.
