Foncions des juntes electoraus

Era Administracion electorau ei er organisme que velhe pera transparéncia e era objectivitat deth procès electorau, e entà garantir eth principi d’igualtat.

Ena cima se trape era Junta Electorau Centrau, organ permanent qu'actue coma arbitre e moderador de tot eth procès electorau, seguida pes juntes electoraus provinciaus e es juntes electoraus de zòna.

Enter es foncions especifiques que desvolòpe era Junta Electorau Centrau, cau destacar es següentes:

• supervise e apròve es modèus d’actes entàs mèses electoraus e entàs juntes electoraus
• supervise e apròve eth manuau d’instruccions des membres des mèses electoraus
• contròtle es dades e es informacions des sondatges publicadi
• dirigís e supervise era actuacion deth Burèu deth Cens Electorau
• resòlv damb caractèr ligant es consultes des juntes electoraus provinciaus
• actue coma organisme dauant eth quau es formacions politiques nomenten es representants generaus e es administradors generaus

Es juntes electoraus provinciaus assumissen competéncies importantes enes eleccions ath Conselh Generau d’Aran, as conselhs comarcaus e as deputacions provinciaus, pr’amor que son:

• es organismes dauant es quaus se presenten es reclamacions contra era delimitacion des seccions, es locaus e es mèses efectuada pes delegacions provinciaus deth Burèu deth Cens Electorau
• es organismes competenti entà distribuïr es espacis gratuïts de propaganda electorau que s’emeten enes mieis de comunicacion publics
• es organismes competents entara assignacion as formacions politiques e agropacions d’electors deth numerò de membres que corresponen a cada conselh comarcau
• es organismes competenti entà determinar eth despartiment proporcionau des lòcs de deputats provinciaus correspondenti a cada partit judiciau
• es organismes ath dauant des quaus es formacions politiques nomenten es representants electoraus e administradors electoraus as eleccions ath Conselh Generau d’Aran. Aguestes juntes pòden delegar aguestes foncions as juntes electoraus de zòna
• es organismes ath dauant des quaus es formacions politiques nomenten es administradors des candidatures e es representants des candidatures as eleccions municipaus
• es organismes competenti entà resòlver de manèra liganta es consultes des juntes electoraus de zòna.

Ath delà, era Junta Electorau Provinciau de Lhèida assumís:

• era realizacion de totes es operacions en relacion damb era presentacion e proclamacion de candidatures des eleccions ath Conselh Generau d’Aran
• era realizacion der escrutinh generau des eleccions ath Conselh Generau d’Aran.

Fin finau, es juntes electoraus de zòna an coma mission:

• realizar totes es operacions en relacion damb era presentacion e proclamacion de candidatures des eleccions municipaus
• garantir qu'en cada mèsa electorau i age es mieis de besonh entara votacion
• supervisar eth nomentament des membres des mèses electoraus realizat pes ajuntaments
• distribuïr es emplaçaments disponibles entath plaçament de pannèus, es locaus e es lòcs publics gratuïts entara realizacion d’actes de campanha electorau
• formalizar era designacion de representants des candidatures enes eleccions municipaus e ath Conselh Generau d’Aran
• formalizar era designacion d’empoderadi e d’interventors
• realizar er escrutinh generau des eleccions municipaus
• hèr era proclamacion e eth nomentament des membres des deputacions provinciaus
• atier es consultes des electors.