Instruccions entàs Representants dera Administracion

Eth representant dera Administracion aurà de comparéisher abantes des 8 ores deth dia 27 de mai ath collègi electorau ath quau pertanh/en era/es mèsa/es que li age/n estat assignada/es.

CONSTITUCION DES MESES ELECTORAUS

ETH REPRESENTANT DERA ADMINISTRACION aurà d’informar dera dubertura d'era/es mèsa/es ath Centre de Recuelhuda d’Informacion (CRI) a trauèrs deth TELEFON DE TRANSMISSION DE DONADES estampat ena sua huelha de transmission de donades, ua linha 900 de telefonada gratuïta

Era ora maxima de dubertura des mèses son es 9.45. S’ad aguesta ora quauqua mesa non s’auesse daurit, eth REPRESENTANT DERA ADMINISTRACION aurà d’informar ath Centre de Recuelhuda d’Informacion (CRI) en telefòn d’incidéncies e explicar era rason de non dubertura. Posteriorament, aurà de demorar-se enquia que se daurique e comunicar era dubertura.

REMESA D’INFORMACION ATH CENTRE DE RECUELHUDA D’INFORMACION (CRI) ENTAS 13O E ENTAS 18ORES

ETH REPRESENTANT DERA ADMINISTRACION aurà de presentar-se nauament ath dauant dera/des mèsa/es assignada/es entàs 13 ores e entàs 18 ores entà verificar eth numerò d’electors qu'enquia aqueth moment an votat e comunicar telefonicament aguesta donada ath Centre de Recuelhuda d’Informacion (CRI) en TELEFON DE TRANSMISSION DE DONADES estampat ena sua huelha de transmission de donades.

ESCRUTINH

Finalizada era votacion, eth REPRESENTANT DERA ADMINISTRACION aurà de comparéisher de nau ath dauant dera/des mèsa/es assignada/es, recuelherà es donades d’escrutinh e ua còpia dera acta d’escrutinh de cadua des mèses ath sòn cargue e comunicarà telefonicament es donades der escrutinh ath Centre de Recuelhuda d’Informacion (CRI) en TELEFON DE TRANSMISSION DE DONADES estampat ena sua huelha de transmission de donades. Immediatament dempús, s’aurà de trasladar ar ajuntament deth municipi e liurar ath SECRETARI/ÀRIA DER AJUNTAMENT ua còpia dera acta d’escrutinh de cadua des mèses assignades. Es bolletins de transmission de donades restaràn en mans des representants dera Administracion, qu'auràn era obligacion de mantier eth sòn telefòn mobil operatiu e èster localizables enquias 24 ores entà atier quinsevolh aclariment deth Centre de Recuelhuda d’Informacion (CRI) en cas d’incidéncia. Er incompliment d’aguest requisit comportarà eth non abonatge dera gratificacion.