Eth recensament electorau conten era inscripcion d'aqueri qu'an toti es requisits entà votar e non son privadi, definitiuaments o temporauments, deth dret de sufragi.

Eth recensament electorau per aguestes eleccions ei integrat peth:

  • Recensament d'electors residenti en Catalonha (CER)
  • Recensament de residenti absenti que demoren en estrangèr, inscriti enes municipis de Catalonha (CERA).

 

 

Eth Burèu deth Recensament Electorau, assignat ar Institut Nacionau d’Estadistica (INE), ei er organ encargat dera formacion deth recensament electorau, damb era collaboracion des ajuntaments e des consolats. 

Egauments, es encargadi deth Registre Civiu e deth Registre de Condemnadi e Rebèls deuen comunicar quinsevolhe circonstància que pogue afectar era inscripcion en recensament electorau.

 

Podetz consultar era vòsta inscripcion pendent eth periòde d’exposicion e rectificacion deth recensament en periòde electorau, entre es dies 3 e 10 de noveme, en:

  • Era delegacion provinciau deth Burèu deth Recensament Electorau dera vòstra província.
  • Es ajuntaments e consolats.
  • Era sedença electrònica der Institut Nacionau d’Estadistica (https://sede.ine.gob.es). En aguest cas, era consulta exigís un certificat electronic publicat pera sedença electronica der Institut Nacional d’Estadistica (INE).

Tanben podetz consultar es donades en tot picar ath telefòn 901 101 900 deth Burèu deth Recensament Electorau.

Es electors qu'ajatz cambiat d'adreça o votatz peth prumèr còp vos cau verificar, mès que mès, s'es vòstes donades son corrèctes. 

Adreces e telefòns des burèus deth recensament electorau

Barcelona

Via Laietana, 8, entresòl

8003 Barcelona

Telefòn 1: 901 101 900

Telefòn 2: 932 957 418

Telefòn 3: 932 957 422

Fax 1: 933 101 923

Fax 2: 932 957 403

 

Girona

Cap de Creus, 4-6, baishi

17005 Girona

Telefòn 1: 972 200 099

Fax 1: 972 227 306

Fax 2: 972 219 000

 

Lhèida

Bonaire, 47-49

25004 Lhèida

Telefòn 1: 973 238 224

Telefòn 2: 973 230 171

Fax 1: 973 236 489

 

Tarragona

Pare Agustí Altisent, 1

43005 Tarragona

Telefòn 1: 977 248 085

Telefòn 2: 977 249 662

Fax 1: 977 213 340

Fax 2: 977 227 609

 

 

Òc. Era inscripcion en recensament electorau ei obligatòri entà exercir eth dret de vòte.

 

Òc. A començament d’an s’inscriuen en recensament toti es residents que haràn 18 ans entre er 1 de gèr e eth 31 de deseme der an en cors, damb era anotacion de “menor”. 

Aguesti “menors” inscriti en recensament poderàn votar s'eth 21 de deseme an complit es 18 ans, o se les hèn eth madeish dia 21.

 

Eth recensament que s’utilizarà serà eth recensament barrat eth dia 1 d’agost de 2017.

S'es vòstes donades non son corrèctes, podetz presentar un sollicitacion de rectificacion o reclamacion, entre eth 3 e 10 de noveme, en ajuntament, consolat o delegacion provinciau deth Burèu deth Recensament Electorau.

Era reclamacion solament serà tenguda en compde se se referís a:

  • Era rectificacion d’errors enes donades personaus.
  • Es cambiaments d'adreça laguens d’ua madeisha circonscripcion.
  • Era non-inclusion dera persona reclamant en cap seccion deth recensament dera circonscripcion maugrat auer-i dret.

Non seràn tengudes en compde:

  • Es reclamacions per arrepòrt a un cambiament de residéncia d’ua circonscripcion a ua auta realizat dempús deth 28 de junhsèga de 2017, data de barrament deth recensament electorau.

S'era reclamacion se presente en:

  • En Ajuntament, ei de besonh mostrar eth document nacionau d’identitat, eth passapòrt o eth permís de condusir (cau aportar-ne ua fotocòpia), o ben
  • Ena delegacion provinciau deth Burèu deth Recensament Electorau, en aguest cas ei de besonh mostrar eth document nacionau d’identitat, eth passapòrt o eth permís de condusir (cau aportar-ne ua fotocòpia) e un certificat de recensament.

Es delegacions provinciaus deth Burèu deth Recensament Electorau resolveràn es reclamacions non mès tard deth 13 de noveme e n’ordenaràn era exposicion ath public eth 14 de noveme. Ath delà, tanben notificaràn era resolucion adoptada a cada un des reclamants, as ajuntaments corresponents e as consolats.

Era carta recensau ei un document, manat peth Burèu deth Recensament Electorau, que conten es donades actualizades dera inscripcion en recensament electorau e dera seccion e eth burèu a on vos correspon votar.

A un caractèr puraments informatiu e non servís entà identificar-vos en moment de votar. 

Es certificacions recensaus especifiques, les expedissen, exclusivaments, es delegacions provinciaus deth Burèu deth Recensament Electorau.

Pòden èster de dues sòrtes:

  •  Certificacion recensau especifica d’inscripcion. Constituís era pròva qu'era persona que lo presente acredite qu'ei inscrita en recensament encara que non figure enes listes.
  • Certificacion recensau especifica de correccion d’errors. Era persona òc que apareish enes listes, mès i a bèth error enes sues donades (nòm, cognòm, etc.).


Es certificacions recensaus especifiques se deuen presentar en moment de votar.

 

Eth cambiament d'adreça se deu comunicar en ajuntament corresponent. 

S'ei laguens deth madeish municipi, pòt determinar un cambiament de seccion o deth burèu a on s’a d’exercir eth dret de vòte. 

Es cambiaments comunicadi dempús deth 28 de junhsèga de 2017 (data de barrament deth recensament electorau), non apareishen arrecuelhudi en recensament e non pòden èster tengudi en compde; per contra, òc que s'arrecuelhen es cambiaments comunicadi anterioraments.