- Actenotariau, soscrit pes promotors deth partit, damb explicitacion des sues donades personaus d’identificacion (nòm e cognòms, NIF, adreça, estat civiu, profession, etc.).
- Estatuts que regiràn era formacion política.
Es partits politics aqueriràn personalitat juridica ath cap de 21 dies a compdar de londeman dera sua inscripcion en aguest Registre.
Ua agropacion d'electors ei un corròp de ciutadans que se constituïssen coma formacion politica unicaments e exclusivaments entà presentar ua candidatura laguens d'un procès electorau concrèt e determinat.
Entà constituïr-se en agropacion d’electors cau aumens era signatura der 1% des inscriti en recensament electorau dera circonscripcion.
Es signatures an d’èster verificades notariauments o peth secretari/ària dera corporacion municipau corresponenta.
Cada elector/a poderà dar sosten a ua agropacion electorau.
Era collècta de signatures entara constitucion d’ua agropacion d’electors se pòt iniciar a compdar deth 28 d’octobre, data de convocacion des eleccions.s.
Entà èster candidat/a cau auer era condicion de catalan, èster recensat en quinsevolhe des circonscripcions de Catalonha e non èster afectat per cap causa d’inelegibilitat.
Pòden presentar candidatures, entre eth 12 e 17 de noveme, deuant eth conselh electorau provinciau:
• Es partits politics o federacions de partits politics inscriti en Registre de partits politics(*).
• Es coalicions de partits e/o de federacions que volguen participar damb listes conjuntes enes eleccions e ac comuniquen ath conselh electorau provinciau entre eth 29 d’octobre e eth 7 de noveme.
Les cau hèr constat de: era denominacion dera coalicion, es normes pes quaus se regissen e es persones titulares des sòns organs de direccion o coordinacion.
• Es agropacions d’electors que presenten, aumens, era signatura der 1% des persones inscrites en recensament electorau dera circonscripcion. Cada elector/a poderà dar sosten solaments a ua agropacion d’electors.
(*) Es partits, federacions o coalicions que non agen obtengut representacion en Parlament en anteriora convocacion d’eleccions auràn de besonh era signatura, aumens, deth 0,1% des electors inscriti en recensament electorau dera circonscripcion pera quau pretenen era sua eleccion. Cap elector/a poderà dar era sua signatura a mès d’ua candidatura.
Es candidatures soscrites pes representants des partits, es federacions e es coalicions, atau coma pes promotors des agropacions d’electors, se deuen presentar deuant deth conselh electorau provinciau corresponent, entre eth 12 e 17 de noveme.
Era relacion de candidatures presentades se publicarà en Bulletin Oficiau der Estat (BÒE) e en Diari Oficiau de Catalonha (DÒGC) eth 19 de noveme.
Un viatge es candidatures an estat presentades e publicades en DÒGC, es conselhs electoraus provinciaus comunicaràn, se cau, as representants des candidatures es irregularitats detectades ena presentacion des candidatures, aguesti representants deueràn corregir es irregularitats constatades pes conselhs electoraus provinciaus entre eth 22 e 23 de noveme.
Eth 24 de noveme eth conselh electorau provinciau proclamarà es candidatures e eth 25 de noveme se publicaràn en BÒE e en DÒGC.
Es candidatures se deuen presentar per escrit en tot exprimir claraments:
• Era denominacion.
• Es sigles e eth simbòl deth partit, federacion, coalicion o agropacion d’electors.
• Eth nòm e es cognòms des candidats includidi.
Amassa damb aguest escrit, se deu presentar era declaracion d’acceptacion dera candidatura e des documents acreditatius dera condicion d’elegibilitat des candidats.
Es candidatures presentades per agropacions d’electors o per partits, federacions o coalicions que non agen obtengut representacion ena anteriora convocacion, deuen anar acompanhades des documents acreditatius deth nombre de signatures legauments exigides entara sua participacion enes eleccions.
Es listes deuen includir tanti candidats coma cargues a elegir, pòt auer-i un maximum de 10 suplenti e se deu hèr a constar eth numèro d’orde tant des candidats coma des suplenti.
Tanben deuen auer ua composicion equilibrada de hemnes e òmes, de sòrta que, en conjunt dera lista e en cada seccion de cinc lòcs, es candidats de cada un des dus sèxes supòsen aumens eth 40%.
Non. Non i a era obligacion de concórrer enes eleccions laguens d'un nombre minim de circonscripcions.
Non. Es candidatures non se pòden modificar un còp presentades, a excepcion deth tèrme comprenut entre eth 22 e eth 23 de noveme, abiletat entara esmenda d’irregularitats, e solaments per mòrt o renóncia dera persona titulara o coma conseqüéncia deth tramit d’esmenda.
Quan se tractarà de listes de candidats, es baishes que se produsisquen dempús dera proclamacion de candidatures se compreneràn corbides pes candidats successius e, se cau, pes suplenti.
Eth 24 de noveme eth conselh electorau provinciau proclamarà es candidatures e eth 25 de noveme se publicaràn en Bulletin Oficiau der Estat e en Diari Oficiau dera Generalitat de Catalonha. de Catalonha.
Òc. Era retirada d’ua candidatura pòt efectuar-se damb un escrit deth representant generau deuant dera Administracion electorau en quinsevolhe moment anterior ath 21 de deseme.
