Eleccions Catalonha 2024 ei era aplicacion oficiau e gratuïta qu’era Generalitat de Catalunya met a dispausicion dera ciutadanetat entà consultar es resultats provisòris des eleccions ath Parlament deth 12 de mai de 2024 en Catalonha.
A trauès dera aplicacion se poderàn consultar era informacion dera constitucion des meses, es auançaments de participacion e es resultats provisòris, amassa damb eth despartiment de deputats deth Parlament de Catalunya.
Es usatgèrs dispausaràn de foncionalitats coma crear pactes entre candidatures entà arténher era majoritat absoluda; navegar entre províncies, municipis, vegaries o comarques; conéisher es candidats provisòriament elegidi de cada candidatura, o enquia veir es conferéncies de premsa oficiaus en dirècte o en diferit.