Accessibilitat

Es locaus e es meses electoraus les cau èster accessibles. Es persones qu'intègren es meses electoraus les cau velhar pr'amor qu'es persones damb andicapat que poguen exercir eth sòn dret de vòt damb era major autonomia possibla.

Es persones damb bèth andicapat pòden ajudar-se d’ua auta persona que les acompanhe quan anaràn tà votar o d’bèth mejan  materiau entà transportar es envolòpes  electoraus as membres dera mesa.

En cas que bèth membre dera mesa, o bèth un des interventors o interventores o apoderadi o apoderades adscriti ara mesa, considère qu'eth  vòt non s’a exercit de forma conscienta, liura e volontària, ac pòt hèr a constar a l’acta de session, mès non s’empedirà eth vòt. En l’acta, eth votant s’aurà d’identificar solament damb eth DNI o document identificatiu qu'apòrte.

Tengatz en compde tanben que se pòt exemptar dera obligacion de hèr part d'ua mesa electorau pera situacion d'andicapat, declarada cossent damb er article 4 deth Reiau decrèt legislatiu 1/2013, de 29 de noveme, que s'apròve entà eth eth tèxte refós dera Lei generau de drets des persones damb andicapat e deth sòn includiment sociau.

Era aportacion per interessat dera declaracion d'andicapat, de quin grad que sigue, ei sufisent entara acceptacion dera desencusa peth conselh electorau de zòna, sense que sigue de besonh aportar certificat medicau.