Glossari de termes electoraus

Listra electorau
Conjunt de candidats mejançant es quaus cada candidatura òpte a arténher es escons en litigi en cada circonscripcion. Es escons de cada candidatura se distribuïssen internament segontes er ordre d’emplaçament ena listra. Se ar elector se li permeter-se modificar er ordre de candidats (o híger-ne o suprimir-ne), parlariem de listres dubèrtes. En cas contrari (coma en Espanha), es listres son barrades.

Mèsa electorau
Ei era unitat basica deth procès electorau. Ei ua subdivision alfabetica dera seccion censau. Ei compausada per un president e dus vocaus e, se cau, pes interventors acreditadi. Es electors sonque pòden eméter eth sòn vòt ara mèsa en que son adscrits (eth vòt per corrèu se hè a distància, mès se remet ara mèsa correspondenta).

Papereta
Imprés mejançant eth quau se concrète er exercici deth dret de vòt. Entath Senat i a ua unica papereta a on s’includissen toti es candidats, e er elector n’a de mercar tres coma maxim. Ena rèsta d’eleccions, s’a de seleccionar era papereta correspondenta ena candidatura que se vò votar, qu’includís era sigla e era listra de candidats entara circonscripcion.

Participacion
Ei eth nombre d’electors que reaument exercissen eth sòn dret de vòt enes eleccions. Se pòt expressar en valors absoluts o en percentatges sus eth cens. Segontes eth nivèu, podem parlar de participacion en ua mèsa, en un municipi, en ua circonscripcion o en totau der àmbit electorau.

Procès electorau
Vò díder lo madeish qu’eth tèrme eleccions, en sentit ampli. Comprén eth conjunt d’accions que se hèn en periòde de temps que va des dera convocatòria des eleccions enquiara proclamacion de candidats e d’edicion de resultats definitius.