Glossari de termes electoraus

Formula electorau
Revirada matematica deth nombre de vòts per candidatura a escons correspondents. Laguens deth sistèma de representacion proporcionau, es formules electoraus principaus pera atribucion d’escons son: mieja major de Lagüe, d’Hondt, rèsta major e formules combinades. Era formula s’aplique circonscripcion per circonscripcion.

Incidéncies ena transmission de donades
Quinsevolh hèt qu’empedisque era corrècta transmission o gravacion des donades dera jornada electorau. S’includissen autant es problèmes entà réceber es donades e es resultats d’ua mèsa coma es errors produsidi en formalizar ua acta, qu’impliquen eth besonh de contrastar aguesta informacion. En generau, quinsevolh mèsa es resultats corrèctes dera quau non siguen disponibles constituís ua incidéncia.

Informes de resultats
Conjunt de documents que contien informacion periodica (vòts, escons, eca.) der escrutinh de resultats en forma de listres, taules, gràfics o d’auti, en papèr o en supòrt informatic.

Interventor/a
Ei eth representant nomenat pera candidatura en ua determinada mèsa, dera quau forme part. Exercís eth sòn dret de vòt en aguesta mèsa, e ei excludit pera Administracion electorau dera mèsa on estongue censat.

Jornada de reflexion
Dia anterior ath des votacions, que mèrque eth finau dera campanha electorau, ena quau ei prohibit hèr quinsevolh tipe de manifestacion qu’influisque era direccion deth vòt.

Juntes electoraus
Son òrgans dera Administracion electorau qu’avalen er acompliment dera normatiua vigenta e era igualtat d’oportunitats. Atenen es reclamacions e impugnacions que se produisquen e, dempús der escrutinh, validen eth pas des resultats provisionaus a definitius.