Glossari de termes electoraus

Recors contenciós electorau
Procediment judiciau contra es acòrds des juntes electoraus sus era proclamacion des candidats elèctes, vòts computats, eca. A er efècte de paralizar er hèt a qué hè referéncia.

Referendum
Consulta electorau mejançant era quau se demane ar elector per ua o diuèrses qüestions, a on es possibles respòstes son sonque afirmatiues o negatives.

Règla d'Hondt
Procediment matematic entara atribucion d’escons, laguens d’un sistèma proporcionau. Entà cada circonscripcion electorau, es vòts obtengudi pes candidatures se dividissen per ua sèrie contínua de numeròs naturaus (1, 2, 3…), nomentadi divisors. Es escons s’atribuissen segontes es magnituds des quocients obtengudi. Afavorís as partits mès votadi, en tèrmes de vòts per escon.

Representants dera Administracion
Ei era persona qu’era Administracion convocanta nomente entà qu’eth dia des votacions comunique telefonicament o telematicament ath Centre d’Arremassada d’Informacion (CRI) es donades pertinentes (cens, participacion, vòts, eca.) en totes es fases deth dia: dubertura, auanci o escrutinh, dera mèsa o es mèses assignades.

Resultats definitius
Les proclamen es juntes electoraus, a compdar des resultats provisionaus. Un còp passades es eleccions, son es uniques donades valides a toti es efèctes e anullen es provisionaus deth dia "D".

Resultats provisionaus
Son es qu’era Administracion convocanta balhe pendent era net electorau, mejançant un centre de processament qu’a assignat aguest prètzhèt. A despiet de que se barre er escrutinh ath 100%, es donades se considèren provisionaus enquia qu’es juntes electoraus non s’agen pronunciat.

Seccion censau
Unitat censau en que se dividís ua circonscripcion electorau, que comprén un maxim de 2.000 electors e un minim de 500. En cap cas pòt auer-i mens de 200 electors. En cada seccion pòt auer-i ua o diuèrses mèses electoraus. Es seccions s’acorròpen en districtes censaus.

Sistèma electorau
Procediment mejançant eth quau, en ues eleccions, s’atribuissen es escons as candidatures en funcion deth sòn nombre de vòts. Es sistèmes electoraus pòden èster majoritaris o proporcionaus, e laguens d’aguesti i a diuèrses formules d’assignacion d’escons. En Espanha, eth sistèma vigent des deth 1977 ei eth de representacion proporcionau damb aplicacion dera formula d'Hondt.