de Notícias
-
Era participacion enes eleccions tath Parlament de Catalonha tàs 18.00 ores ei deth 68,32%
Aguest percentatge represente ua aumentacion deth 5,2% per arrepòrt era donada enregistrada ara madeisha ora enes comicis deth 2015
- 21/12/2017
-
Era participacion enes eleccions tath Parlament de Catalonha tàs 13.00 ores ei de 34,69%
Aguest percentatge represente quasi miei punt mens (0,41%) qu’er indèx de participacion enregistrada ara madeisha ora enes comicis de 2015
- 21/12/2017
-
Era jornada electorau comence damb normalitat enes 2.680 locaus abiletats entad aguestes eleccions tath Parlament de Catalonha 2017
Un totau de 5.554.394 persones son aperades a participar enes comicis convocadi entad aguest dijaus Es sollicitacions de vòte dempús der estrangèr an aumentat un 81,53%, deth temps qu'eth vòte per corrèu dempús der Estat a diminuit un 26,6%, per arrepòrt a 2015
- 21/12/2017
-
Un totau de 5.554.394 persones poderàn votar enes eleccions tath Parlament de Catalonha de 21D
Es electors poderàn exercir eth sòn dret de vòte enes 8.247 burèus electoraus distribuïdi en 2.680 locaus electoraus. Es sollicitacions tà votar dempús der estrangèr an aumentat un 81,53% per arrepòrt as eleccions deth 2015. Eth diuendres 22 de deseme se publicarà en web resultats.Parlament2017.cat eth detalh des comicis per burèus electorau.
- 20/12/2017
-
La JEC acorda retirar la candidatura presentada per Diàleg Republicà de les eleccions del 21D
Lèu disponible
- 19/12/2017
-
Era aplicacion Eleccions 21D permeterà as ciutadans seguir en temps reau es eleccions tath Parlament dempús deth mobil o era tauleta
Se poderàn consultar es donades de participacion e es resultats des candidatures, damb era possibilitat de comparar-les damb es des convocacions de 2012 e 2015, e quitament escuélher es opcions entà arténher majories en Parlament. Aguesta app siguec era mès descargada de totes es qu'a publicat era Generalitat, damb descargaments realizadi en 133 païsi pendent es darrères eleccions de 2015.
- 15/12/2017
-
Eth Conselh Electorau Centrau alongue dus dies eth tèrme entà votar presenciauments en estrangèr
Es electors residents permanents en exterior (CERA) poderàn exercir eth sòn dret de vòte enes consulats e burèus consulars enquiath madeish dia des eleccions deth 21D. Tanben, eth CEC a esperlongat enquiath dia 20 de deseme eth limit iniciau deth dia 16 entà depositar eth vòte per corrèu en estrangèr. Es Conselhs electoraus provinciaus deueràn d'arrecéber totes es envolòpes damb es vòtes des electors abans des 8 deth maitin deth dimenge 24 de deseme.
- 13/12/2017
-
Deman finalize eth tèrme des acreditacions online entà accedir ath centre de difusion de donades des eleccions deth 21D
Es mejans que non s’agen enregistrat dempús d’aguesta data ac poderàn hèr de forma presenciau en Pabalhon 8 de Fira de Barcelona (zòna Gran Via) es dies 20 e 21 de deseme. S’alongue a dimars 19 de deseme eth periòde entà arrecuélher es acreditacions e realizar es montatges des mejans audiovisuaus.
- 13/12/2017
