Campanha electorau

Es ajuntaments an de reservar sedences oficiaus e lòcs publics d’usatge gratuït entara celebracion d’actes de campanha electorau, atau com lòcs especiaus gratuïts entath plaçament de pannèus, pancartes o banderòles (pannèus en garròts o lumenèrs) entar usatge des candidatures.

Er ajuntament distribusís aguesti espacis en foncion deth nombre totau de vòts qu’obtengueren es formacions politiques enes darrères eleccions ath Parlament de Catalonha de 21 de deseme deth 2017.

A part d’aguesti espacis gratuïts, es candidatures sonque pòden plaçar pannèus e d’autes formes de propaganda electorau enes espacis comerciaus autorizadi.

Aguesta despena non pòt pas superar eth 20% deth limit dera despena prevista en article 1.2 deth Decret      /2020, de xx de deseme, peth quau se regulen es subvencions e eth contròtle dera compdabilitat electorau enes eleccions ath Parlament de Catalonha deth 2021.

Pendent era campanha electorau, es candidatures an dret a espacis gratuïts de propaganda enes emissores de television e de ràdio de titolaritat publica. Era distribucion d’espacis gratuïts entara propaganda electorau se hè d’acòrd damb eth nombre de vòts qu’obtenguec cada candidatura enes anteriores eleccions ath Parlament de Catalonha.

Tanben pòden anonciar-se en premsa o ràdio de titolaritat privada, mès non pòden pas contractar-se espacis de publicitat electorau enes mejans de comunicacion de titolaritat publica ne enes emissores de television privada.

Aguesta despena non pòt pas superar eth 20% deth limit dera despena prevista en article 1.2 deth Decret       /2020, de xx de deseme, peth quau se regulen es subvencions e eth contròtle dera compdabilitat electorau enes eleccions ath Parlament de Catalonha deth 2021.