Collègis electoraus

• S’utilizaràn pabelhons o d’auti espacis amples similars que permeten un aforament de baisha densitat (minimom 2,5 m² per persona).
• Non se poderàn pas utilizar coma espacis electoraus es centres sanitaris, es de caractèr residenciau o es d’us actuau per part de collectius vulnerables.
• S’utilizaràn espacis alternatius as centres educatius. En cas que non i age alternativa, er us sonque serà valable se i a ua neteja e desinfeccion especiaument suenhosa de tot er espaci abans dera activitat lectiva ordinària.
• Seràn tostemp espacis a on sigue garantida era ventilacion constanta e adequada ara afluéncia prevista.
• Es punts d’accès e de gessuda seràn independents e n’i aurà eth maximom possible, e se siguesse possible entà cada mesa electorau.
• Er espaci a de perméter de mantier es distàncies de seguretat establides: 2 mètres entre es diuèrses meses electoraus, 1,5 mètres de distància linhau laterau entre es membres de mesa, 1,5 mètres entre electors, e entre meses e electors, e espaci sufisent entà dispausar es cabines de votacion a pro distància des meses e entre eres, s’ei eth cas.
• S’ena sedença i a mès d’ua mesa electorau, s’a preveir que calerà dispausar d’un espaci d’1,5 mètres entre es coes de cada mesa.
• Era ubicacion des sedences a de hèr que siguen possibles es coes en carrèr.
• Se limitarà eth nombre de meses electoraus laguens d’ua madeisha sedença e/o nombre de votants per mesa en demora, entà evitar-ne era massificacion enes sedences e es coes en carrèr.

• S’organizaràn es espacis entà redusir es aglomeracions en tot moment, en tot establir circuits de sentit unic qu’eviten auer de recular entà gésser, e tanben eth crotzament de persones.
• S’organizaràn es espacis entà redusir eth temps d’estada en interior des bastisses e espacis barradi, especiaument enes sales de votacion. Se crearàn circuits separadi entà votants que vagen dirèctament dera coa tara urna; dera taula de paperetes tara urna; e dera taula de paperetes tara cabina e tara urna, damb objectiu d’agilizar ath maximom eth vuedat des coes, en tot velhar tostemp per non superar er aforament maim permetut laguens dera sedença.
• Es pòrtes de dubertura automatica seràn bloquejades a prumèra ora e demoraràn tostemp dubèrtes enquiara finalizacion dera jornada electorau, com era rèsta des pòrtes, entà evitar eth contacte damb es elements de dubertura manuau e garantir era ventilacion dera sedença.
• S’a de senhalizar damb mèrques en solèr era posicion a on cada elector o electora a de demorar eth sòn torn, pr’amor de garantir era distància de seguretat d’1,5 mètres.
• Se dispausarà de senhalizacion verticau damb es normes de seguretat sanitària principaus que s’apròven.
• Enes espacis barradi, includits es de votacion, non se poderà pas superar un aforament d’ua persona entà cada 2,5 m²

Se netejarà e desinfectarà er espaci abans, pendent e dempús deth sòn usatge eth dia dera votacion.

• Se netejarà e desinfectarà er espaci dempús deth barrament, ja sigue pendent era madeisha jornada o eth dia posterior.
• Es lavabos sonque poderàn èster utilizadi pes membres dera mesa e d’aute personau acreditat e se harà era neteja e desinfeccion aumens un còp pendent eth dia dera votacion. En cas que l’age d’utilizar un elector o electora per causa de fòrça major, se harà era neteja e desinfeccion immediatament.
• Pendent era jornada electorau, es locaus s’an de netejar damb era regularitat pautada tecnicament pera autoritat sanitària.
• I aurà contenedors e/o paperères damb caperader d’accionament damb pedal entà depausar-i materiau de seguretat utilizat.

• Sonque poderà accedir ath centre de votacion eth votant, sense acompanhant, exceptat que lo requerisque per assisténcia.
• Organizacion des coes:
  • Enes coes en exterior e en interior, cau respectar era distància d’1,5 mètres e garantir eth compliment dera obligacion der us dera mascareta.
  • En interior der espaci de votacion, se se dividissen es coes, an d’èster separades per 1,5 mètres.
  • Non se permeterà pas de circular entremiei des coes.
  • S’utilizaràn barralhes, cintes o d’auti sistèmes que garantisquen er orde dera coa enes espacis interiors.
  • Non se permeterà pas de gésser dera hilèra entà recuélher es paperetes, ne auançar-se enquiar interior deth centre.
• Abans d’entrar ena sedença i aurà un punt d’accès segur a on se dispausarà de gèl idroalcoolic e se controtlarà er us de mascareta.
• Se facilitaràn guants d’us unic entàs persones qu’agen allèrgia ath gèl idroalcoolic.

• Es cabines de votacion se distribusiràn de forma que se garantisque era privacitat des votants sense besonh de passar es cortines.
• Dispausaràn de gèl idroalcoolic ath costat des paperetes e envolòpes.
• Se definiràn fluxes de sentit unic en accès e era gessuda entà evitar crotzaments.
• Se harà neteja e desinfeccion freqüenta der interior dera cabina, d’acòrd damb es critèris tecnics de salut.