Contacte
Eth Parlament de Catalonha ei un òrgan unicament damb sedença en Barcelona e autonomia organizativa, economica, administrativa e disciplinària.
Catalonha non a lei electorau. Era regulacion des eleccions ath Parlament de Catalonha se trape enes estatuts d’autonomia de Catalonha des ans 1979 e 2006, e entara rèsta s’aplique era Lei organica deth regim electorau generau (LOREG), qu’establís era barrèra electorau deth 3% de listes barrades e era aplicacion dera formula de Hondt.
Era disposicion transitòria 4au der EAC de 1979 (que se manten vigenta pera disposicion transitòria 2au der EAC de 2006) recuelh qu’era composicion deth Parlament de Catalonha son 135 deputats, distribusits dera manèra que seguís:
- Barcelona: 85 deputats.
- Girona: 17 deputats.
- Lleida: 15 deputats.
- Tarragona: 18 deputats.
Procediment
Eth procediment entà convertir es vòts en escons seguint era formula de Hondt ei eth que seguís:
Com s’aplique era formula de Hondt?
En prumèr lòc, s’ordenen en ua colona, de mès gran a mès petita, era chifra des vòts des candidatures qu’agen obtengut coma minimom eth 3% des vòts valids emetudi ena circonscripcion. Ara seguida, se dividís eth nombre de vòts obtengut per cada candidatura per 1, 2, 3, 4, eca., enquiath madeish nombre d’escons corresponenti ara circonscripcion, de manèra que se forme un quadre similar ar exemple; es escons s’atribusissen as candidatures qu’obtien es quocients mès grani en un orde decreishent.
Exemple: 480.000 vòts valids emetudi en ua circonscripcion que trigue ueit deputats, e qu’era votacion se repartís entre sies candidatures dera manèra que seguís: candidatura A 168.000 vòts, B 104.000, C 72.000, D 64.000, E 40.000, e F 32.000.
Taula. Exemple d’aplicacion dera formula de Hondt
| Divisor |
1 |
2 |
3 |
4 |
5 |
6 |
7 |
8 |
| A |
168.000 |
84.000 |
56.000 |
42.000 |
33.600 |
28.000 |
24.000 |
21.000 |
| B |
104.000 |
52.000 |
34.666 |
26.000 |
20.800 |
17.333 |
14.857 |
13.000 |
| C |
72.000 |
36.000 |
24.000 |
18.000 |
14.400 |
12.000 |
10.285 |
9.000 |
| D |
64.000 |
32.000 |
21.333 |
16.000 |
12.800 |
10.666 |
9.142 |
8.000 |
| E |
40.000 |
20.000 |
13.333 |
10.000 |
8.000 |
6.666 |
5.714 |
5.000 |
| F |
32.000 |
16.000 |
10.666 |
8.000 |
6.400 |
5.333 |
4.571 |
4.000 |
Era candidatura A obten quate escons, era candidatura B, dus, e es candidatures C e D, un escon cada ua.