Contacte
Enes eleccions entath Parlament de Catalonha pòden votar:
- Es persones qu'agen era condicion politica de catalan, majors de 18 ans eth dia dera votacion, que non se tròben en bèra ua des situacions que legauments priven deth dret de vòte e que siguen inscrites en recensament electorau.
- Es ciutadans e ciutadanes espanhòus residenti en estrangèr qu'agen agut en Catalonha eth darrèr vesinatge administratiu e qu'acrediten aguesta condicion en consolat d’Espanha corresponent, e tanben es sòns descendents inscriti coma espanhòus, s'ac solliciten, ena manèra que determine era lei.
Es persones qu'ajatz o hètz 18 ans eth dia 14 de hereuèr de 2021 poderatz votar.
Votar ei un dret. Arrés pòt èster obligat a votar ne constrenhut, jos cap pretèxte, en exercici deth sòn dret de sufragi, ne tanpòc a revelar eth sòn vòte.
Podetz exercir eth vòste dret mejançant:
- Eth vòt presenciau, ena mesa electorau corresponenta.
- Eth vòt per corrèu, damb ua sollicitud per auança ara delegacion provinciau deth Burèu deth Cens Electorau, que se pòt hèr eth quinsevolh burèu de Corrèus der Estat espanhòu.
Ath delà deth vòt presenciau e deth vòt per corrèu des der Estat espanhòu, i a d'auti procediments de votacion, que trobaratz explicadi en apartat “Modalitats de vòt” e que son es següentes:
- Vòt des electors residents en estrangèr (CERA).
- Vòt des electors que se tròben temporaument en estrangèr (ERTA).
- Vòt accessible entàs electors damb handicapacitat visuau.
- Vòt dels electors malauts o damb handicapacitat.
- Vòt deth personau embarcat.
- Vòt deth personau en missions en exterior.
- Vòt des persones intèrnes en centres penitenciaris.
Data d'actualització: 23.11.2020