Contacte
Er interventor/a ei era persona assignada peth representant d’ua candidatura entà:
• Assistir ara mesa e participar enes sues deliberacions, damb votz mès sense vòt.
• Formular reclamacions e protèstes e demanar certificacions deuant dera mesa.
Poderà èster designat interventor/a, era persona qu'age era condicion d’elector/a e sigue inscrita en cens electorau.
I pòt auer dus interventors per cada candidatura nomentadi per cada mesa electorau, mès non pòden exercir es sues foncions de manèra simultanèa; se deuen substituïr liurament entre eri.
Es interventors exercissen es sues foncions solament en mesa en quau son acreditadi.
Eth representant de cada candidatura pòt nomentar, enquiath 18 de deseme, enquia dus interventors per cada mesa electorau mejançant era expedicion de credenciaus de chècs, damb era data e era signatura ath pè deth nomentament.
Es huelhes de chequièr entà cada interventor/a seràn divididi en quate parts:
• Ua, coma talon, pr'amor que la conserve eth representant;
• era dusau, que se deu liurar ath interventor/a coma credenciau;
• era tresau e era quatau, que se deuen remanar ara junta de zòna, entà que ne mande ua ara mesa electorau deth quau hè part e ua auta ara mesa ena lista electorau deth quau figure inscrit, pr'amor que se l'excludisque d'aguesta mesa.
Eth manament as cjuntes de zòna se harà enquiath 18 de deseme es quaus haràn eth manament as meses de sòrta qu'agen es chècs en moment en qué se constituïsquen eth dia dera votacion.
Entre es 8.00 e es 8.30 ores deth dia dera votacion, es interventors deuen presentar es sues credenciaus (nomentament) e eth DNI ath president/a dera mesa electorau, que les deurerà acarar damb es sòns talons (còpies qu'a era mesa).
S'era presidéncia dera mesa considère confòrmes es credenciaus presentades pes interventors damb es talons qu'a era mesa, deu adméter es interventors.
S'eth president/a non a arrecebut es talons o a dobtes sus era autenticitat des credenciaus, era identitat des presentadi, o ambdús casi, les darà possession, s'atau ac exigissen, mès deu consignar en acta de constitucion era sua resèrva entar esclarziment apertient e entà exigir-les, se cau, era responsabilitat corresponenta.
Se se presenten mès de dus interventors per ua madeisha candidatura, eth president/a solament darà possession as dus que prumèr presenten es sues credenciaus e numerotarà es credenciaus per orde cronologic de presentacion.
Es talons arrecebudi peth president/a se deuen ahíger ath dossièr electorau. Es credenciaus presentades pes interventors, un còp acarades peth president/a, les seràn retornades. S'era presidéncia non arrecep es talons, es credenciaus corresponentes se deueràn ahíger ath dorsièr electorau ara fin der escrutinh.
S'eth interventor/a se presente en mesa dempús des 8.30 ores, un viatge redigit er acte de constitucion dera mesa electorau, era presidéncia non li darà possession deth sòn cargue, encara que poderà votar en aguesta mesa.
Es interventors que siguen trabalhadors per compde d'autrú e es foncionaris qu'acrediten era sua foncion de interventor/a an dret, pendent eth dia dera votacion e eth dia immediatament posterior, a un permís retribuït de jornada complèta pendent eth dia dera votacion, s'ei obrant, e a ua reduccion dera sua jornada de trabalh de cinc ores eth dia immediatament posterior.
Er interventor/a assistís ara mesa electorau e participe des sues deliberacions damb votz mès sense vòt.
Pòt formular reclamacions e protèstes e demanar certificacions, coma er acte de constitucion dera mesa.
Pòden exercir era sua foncion unicament en mesa en quau siguen acreditadi. Es interventors d'ua madeisha candidatura acreditadi en mesa se pòden substituïr liurament entre eri.
Es interventors vòten en mesa en quau son acreditadi, encara que non siguen includidi en cens electorau d’aguesta mesa, cada viatge que figuren ena circonscripcion que correspon ad aguesta mesa; en cas contrari, quan er interventor/a non serà inscrit ena circonscripcion electorau que correspon ara mesa a on deu exercir es sues foncions, poderà votar per corrèu.
Un apoderat/ada ei era persona a qui eth representant de cada candidatura autrege poders entà qu'age era representacion dera candidatura enes actes e es operacions electoraus.
Pòden èster apoderadi es ciutadans majors d’edat que se tròben en plen usatge des sòns drets civius e politics.
Es representants de cada candidatura autregen eth poder en favor der apoderat/ada d'aguesta candidatura.
Er apoderament se formalize deuant notari/ària o deuant eth secretari/ària dera junta electorau provinciau o de zòna, es quaus expedissen era credenciau corresponenta, d’acòrd damb eth modèl establit oficiauments.
Per identificar-se, es apoderadi deuen mostrar es sues credenciaus (nomentament) e eth sòn document nacionau d'identitat as membres des meses electoraus e a autes autoritats competentes.
Es trabalhadors per compde d’altrú e es foncionaris qu'acrediten era sua condicion d'apoderadi an dret a un permís retribuït pendent eth dia dera votacion.
Es apoderadi pòden:
• Accedir liurament en toti es locaus electoraus.
• Examinar eth desvolopament dera votacion e der escrutinh en quinsevolh mesa.
• Formular reclamacions e protèstes.
• Demanar certificacions.
Ath delà, se non i a interventors dera sua candidatura, pòden actuar coma taus en mesa e participar des sues deliberacions damb votz e sense vòt.
Es apoderadi an d’identificar-se coma taus en tot mostrar era sua credenciau e eth sòn document nacionau d’identitat as membres dera mesa.
Es apoderadi vòten ena mesa a on figuren inscriti en cens electorau.
Òc. Es interventors e es apoderadi pòden portar emblèmes o adesius damb eth nòm e es sigles dera candidatura que representen, mès solament damb era fin d’identificar-se coma interventors o apoderadi, non coma propaganda electorau.
Non. En moment en qué prene possession coma interventor/a d’ua mesa, era persona designada ja non pòt exercir era foncion d’apoderat/ada en autes meses electoraus.