Contacte
Se pòt consultar er estat de tramitacion dera sollicitud de vòt per corrèu a trauès deth web ine.Se (mejançant DNI o passapòrt e era data de neishença), as delegacions provinciaus deth Burèu deth Cens Electorau o ath telefòn 901.101.900.
A compdar dera convocacion des eleccions e enquiath 4 de hereuèr (termini agranit enquiath 5 de hereuèr, en orari abituau des burèus de Corrèus e de manèra telematica a trauès deth web correos.es, e coma maximom ara 14.00 h), es persones que desiren votar per corrèu li cau enviar era sollicitud de vòt ath Burèu deth Cens Electorau.
Era sollicitud de vòt per corrèu se pòt hèr:
- Per via telematica, damb certificat electronic arreconeishut, a trauès deth web Correos.es
- De manèra presenciau, en tot autrejar personalaments er elector o electritz er estampat a quin burèu que sigue de Corrèus. Li cau acreditar era identitat damb:
- Eth document nacionau d’identitat (DNI)
- Eth passapòrt
- Eth carnet de condusir
Pr’amor qu’aguesti documents includissen era fotografia e era signatura dera persona titolara; en cap de cas s’admeterà fotocòpies.
En cas de desplaçar-se a l’burèu de Corrèus entà tramitar era sollicitud de vòt de manèra presenciau, s'a abilitat era opcion de demanar cite prealabla dempús dera App e web de Correos.es.
Sonqu’en cas de malautia o incapacitat, acreditades per miei d’un certificat medicau oficiau, ua persona que non sigue era interessada pòt corsar era sollicitud de vòt per corrèu, entara quau causa cau que sigue autorizada per un document notariau o consolar provedit individuauments (en aguesti casi, tant eth certificat medicau coma era escritura notariau o consolara son gratuïts).
Un còp eth Burèu deth Cens Electorau admet era sollicitud de vòt, ja non se pòt votar de forma presenciau ena mesa.
IMPORTANT:
Termini agranit enquiath 5 de hereuèr, en orari abituau des burèus de Corrèus e de manèra telematica a trauès deth web correos.es, e coma maximom ara 14.00 h.
Eth Burèu deth Cens Electorau envie per corrèu certificat ua envolòpa damb era documentacion electorau ena abitança que s’age indicat ena sollicitud, non mès tard deth e enquiath 7 de hereuèr. Ad aguest tèrme i cau ahíger eth temps que tarde eth corrèu a arribar ena abitança der elector.
Era envolòpa conten era documentacion que seguís:
- Eth certificat d’inscripcion en cens.
- Ua papereta de votacion de cadua des candidatures que se presenten as eleccions convocades.
- Una envolòpa de votacion.
- Ua envolòpa dirigida ath president dera mesa que vos correspon entà votar.
- Ua huelha explicativa deth procediment que cau seguir
Er elector a d’arrecéber personauments aguesta documentacion, damb era acreditacion prealabla dera identitat. Atenguda era situacion excepcionau causada pera COVID-19, serà sufisent mostrar eth document, sense que sigue de besonh signar era arrecebuda dera documentacion.
En cas de qu’er elector non se tròbe ena direccion soslinhada en imprès de sollicitud, calerà que se presente, personauments o a trauès de representacion autorizada notariaument o consolarament (en cas de malautia o incapacitat certificada medicaument), enes burèus de Corrèus corresponents.
Un còp s’age escuelhut era papereta de vòt, s’introdusís ena envolòpa de votacion (o sense includir papereta, se se vò votar en blanc) e se barre. S’includís era envolòpa de votacion e eth certificat ena envolòpa dirigida ara mesa electorau.
Atenguda era situacion excepcionau causada pera COVID-19, en moment qu'arrecebe era documentacion electorau, era persona electritz pòt autrejar ath trabalhador de corrèus era envolòpa electorau dirigit ara mesa. Eth trabalhador de Corrèus liurarà ar elector o electritz un justificatiu acreditatiu deth depaus de vòt. D'aguesta manèra s'evite auer d'anar mès tard tà un burèu de Corrèus.
Totun, s'er elector o electorau ac preferís, pòt enviar eth vòt per corrèu certificat dempús d'un burèu de Corrèus e non mès tard deth 10 de hereuèr. Termini agranit enquiath 12 de hereuèr en oraris de dubertura abituau des burèus de Corrèus e coma maximom as 14.00 ores.
Non ei de besonh qu’er elector hèsque aguesta darrèra tramitacion de forma personau.
IMPORTANT:
Termini agranit enquiath 12 de hereuèr en oraris de dubertura abituau des burèus de Corrèus e coma maximom as 14.00 ores.
Eth procediment de vòt per corrèu se compause de 3 fases diferenciades:
- Er elector o electora sollicite eth vòt (telematicament o ena oficina de Corrèus) e Corrèus tramet ar Institut Nacionau d’Estadistica (INE) - Oficina deth Cens Electorau (OCE) era sollicitud de vòt.
- Er INE-OCE envie as electors era documentacion entà poder votar per corrèu.
- Er elector o electora liure eth vòt a Corrèus (ja sigue ena oficina o ar agent de Corrèus) e Corrèus liure eth vòt ara mesa electorau eth dia des eleccions.
Cada ua des trameses se realizarà a trauès d’enviaments certificats e urgents sense cap de còst entar elector o electora.
Se pòt hèr eth seguiment dera sollicitud enes webs der INE e de Corrèus.
- Entà hèr eth seguiment dera sollicitud de vòt enquia que se liure ara delegacion provinciau der INE - OCE:
1a. S’era sollicitud s’a realizat telematicament, podetz hèr eth seguiment ena pagina a on auetz hèt era sollicitud:
https://epostal.correos.es/OV2PREENVWEB/jsp/mioficinavirtual/procelect/homeProcElect.faces#!
1b. S’era sollicitud s’a realizat presenciaument, podetz hèr eth seguiment ena pagina web de Corrèus:
https://www.correos.es/es/ca/eines/localitzador/trameses
- Entà conéisher er estat de tramitacion dera sollicitud qu’a recebut er INE - OCE, anatz tà:https://sede.ine.gob.es/ce-votoxcorreo/pages/frmPresentacion.xhtml
- Un còp era sollicitud ei acceptada, entà hèr eth seguiment dera documentacion electorau enquia qu’arribe en domicili (mejançant eth còdi de documentacion electorau que se pòt obtier en ligam anteriror) anatz tà:https://www.correos.es/es/ca/eines/localitzador/trameses
- Un còp recebuda era documentacion e hèt eth enviament dera envolòpa de vòt, podetz hèr-ne eth seguiment mejançant eth comprovant damb numèro de seguiment ena:https://www.correos.es/es/ca/eines/localitzador/trameses