Contacte
Eth 14 de hereuèr es empreses an de concedir un permís d’un maximom de quate ores laguens der orari laborau as persones trabalhadores entà anar a votar.
Aguest permís a era condicion de retribusit e non recuperable.
Quan eth trabalh sigue en jornada redusida, s’efectuarà era corresponenta reduccion proporcionau deth permís. S’er orari dera jornada laborau non coïncidís ne totaument ne parciaument damb eth dera jornada de votacion, non s’a pas eth dret ath gaudiment d’aguest parmís.
Era determinacion deth moment d’utilizacion des ores concedides entà exercir eth dret de vòt a de coïncidir damb er orari establit entara votacion e serà potestat der empresari o empresària.
JUSTIFICANT:
Era empresa a eth dret a sollicitar as sòns trabalhadors era aportacion deth justificant acreditatiu d’auer votat, expedit pera mesa electorau corresponenta, pr’amor de hèr efectiu er abonament deth salari deth temps utilizat entà votar.
Es persones trabalhadores que realizen foncions luenh deth sòn domicili abituau o en d’autes condicions des quaus se deriven dificultats entà exercir eth dret a vòt eth dia 14 de hereuèr an dret a un permís, retribusit e de caractèr non recuperable, d’un maximom de quate ores liures laguens dera jornada laborau, entà sollicitar e tramitar eth vòt per corrèu.