Persones que viuen en residèncias

D’acòrd damb es critèris der organisme competent, e entà garantir eth dret a vòt de manèra segura, es persones que viuen en residéncies votaràn en dues franges oràries segontes era sua situacion sanitària:

• Es residents en generau, en èster consideradi coma collectiu de risc, se recomane qu’exercisquen eth sòn dret a vòt preferentament de 9 a 12 ores.
• Es residents en situacion de quarantena, resultat positiu, contactes estreti e sospita de possible contagi, se recomane qu’exercisquen eth sòn dret a vòt preferentament de 19 a 20 ores

• Era recomanacion generau ei de hèr es gessudes de forma pactada damb eth centre, e auent recebut d’auança tota era informacion restacada damb es mesures de proteccion (us de mascareta FFP2, reduccion ath minimom des contactes imprescindibles damb er entorn sociau, igiène freqüenta de mans, ventilacion adequada des espacis, e deteccion precòça de quinsevolha simptomatologia compatibla damb COVID-19).
• Ei imprescindible er us de mascareta FFP2 entàs residents des dera gessuda enquiara tornada tath centre e pendent tot eth trajècte (includint-i er us laguens deth veïcul) e era igiène de mans abans dera gessuda.
• En cas que non se pogue evitar tocar objèctes pendent era gessuda, cau hèr igiène de mans cada còp, per çò que:
• Se recomane de non agarrar cap de transpòrt public.
• Se recomane de portar eth vòt prèst dera residéncia entà redusir eth contacte damb materiaus languens dera sedença electorau.
• Cau signar per part deth/dera resident/a un document de declaracion responsabla entara gessuda tar exterior.

• Ei imprescindibla era igiène de mans, damb aigua e sabon o gèl idroalcoolic, des acompanhants en moment dera gessuda deth o dera resident/a.
• Cau signar un document de declaracion responsabla entà hèr gessudes tar exterior per part deth/dera resident/a o ben deth/dera familhar/a o cuedador/a.
• Ena gessuda deth/dera resident/a s’evitarà era entrada dera persona acompanhanta en centre; s’ei de besonh, s’utilizaràn es espacis destinadi a visites entà hèr-ne era recepcion.
• En cas que non se pogue evitar de tocar objèctes pendent eth procès d’acompanhament, cau hèr igiène de mans dempús de cada contacte, per açò se recomane de portar ath dessús un dispensador de gèl idroalcoolic, e tostemp ara gessuda deth collègi electorau. Cau qu’era gessuda sigue com mès rapida possible, especiaument s’eth/era resident/a non s’a vacunat o a ua immunizacion incomplèta, e evitar activitats com dinars damb era familha, entà amendrir ath maximom eth risc de contagi en aguesti moments epidemiologics.

• En tornar tara residéncia, cau qu’eth/era resident/a e es acompanhants eviten eth contacte damb cap aute usatgèr enquia que non s’amien a tèrme es mesures que se descriuen ara seguida:
  • Cambi de mascareta per ua de neta.
  • Desinfeccion deth caucèr e/o cagira de ròdes/caminador, s’ei eth cas (damb leissiu ath 0,1%).
  • Igiène de mans deth/dera resident/a.
  • Cambi de ròba, que s’a de lauar a 60ºC.
  • A diferència des gessudes cuertes ordinàries, e en prevision dera possibilitat de mès interaccions o possibles coes e/o temps de demora, se plantege un contròtle estricte de simptòmes pendent 14 dies (non cau isolament):
  • En cas qu’apareishen simptòmes compatibles damb infeccion per SARS-CoV-2, cau hèr era pròva diagnostica de confirmacion.
  • En cas que gesque positiva, se tractarà com un cas de COVID-19, e en cas que gesque negativa, se seguirà era activitat normau.