Contacte
Es representants dera Administracion s’encarguen de transméter ath Centre de Recuelhuda d’Informacion (CRI) es donades de totes es fases deth 14 de hereuèr, jornada de votacion: dubertura, prumèr e dusau auanç de participacion, e escrutinh.
Entà exercir coma representant dera Administracion, vos auetz d’adreçar ar ajuntament dera localitat a on sigatz censat e sollicitar-ne era inscripcion. Cada ajuntament gerís eth sòn procès de seleccion de representants dera Administracion, a excepcion des municipis damb mès de 500 meses electoraus a on era gestion l'assumís era Generalitat.
En cas que sigue de besonh ua excepcion ath confinament comarcau / de Catalonha / nocturn, portatz eth certificat autoresponsable de desplaçament, en tot seguir çò que preven es resolucions de mesures de contencion deth bròt COVID-19. En certificat, seleccionatz era opcion “exercici deth dret de participacion politica” en document de declaracion autoresponsable.
Cau tier en compde qu’era mobilitat, quan compòrte excepcion de bèth un des confinaments, se limitarà ara assisténcia e retorn ara activitat concrèta sense que se permete cap auta mobilitat en espacis publics o privadi dubèrti ath public que non sigue d’urgéncia. Es oraris de desplaçament auràn d’èster coerenti damb er orari dera activitat.
Se i a excepcion ath confinament (Catalonha / comarcau / nocturn) non serà pas de besonh cap d’aguesti documents.
Coma representant dera Administracion, cau acompanhar aguesta declaracion autoresponsable deth nomenament coma representant dera Administracion. Es representants dera Administracion en Barcelona ciutat se lo pòden descargar deth Portau de representants. Entara rèsta deth territòri, es nomenaments les facilitarà er ajuntament corresponent.