Sistèma electorau

Eth pròplèu 14 de hereuèr se celèbren es eleccions entath Parlament de Catalonha. En aguestes eleccions, s’escuelhen es 185 deputats è deputades que constituïssen enth Parlament de Catalonha.

Eth Parlament ei era institucion que represente eth pòble de Catalonha. Exercís era potestat legislatiua, apròve es budgets dera Generalitat e contròtle e da pos ara accion politica e de govèrn. Exercís tanben era rèsta de competéncies que li son atribuïdes per ordenament juridic e, especiauments, per Estatut d’autonomia de Catalonha

Eth Parlament de Catalonha actuauments se compòse de 135 deputats è deputades. Aguesti 135 deputats o deputades se repartissen enes quate circonscripcions dera manèra següenta:

  • Barcelona, 85
  • Tarragona, 18
  • Girona, 17
  • Lhèida, 15

Es deputats o deputades son elegidi per sufragi universau, liure, egau, dirècte e secrèt.

Eth sistèma electorau que regís ei de representacion proporcionau e a d’assegurar era representacion adequada de totes es zònes deth territòri de Catalonha.

Cossent damb era legislacion electorau en vigor, es caracteristiques essenciaus deth sistèma electorau d’eleccion dirècta deputats o deputades, son es següentes:

  • Es circonscripcions electoraus son es províncies.
  • Es candidatures se presenten en listes barrades e bloquejades.
  • I a ua barrèra electorau de 3% des vòts valids ena circonscripcion.
  • Eth repartiment de sètis se hè segontes era formula de Hondt.

Laguens des 20 dies següents ara data des eleccions (dies obrants de deluns a diuendres) se constituís eth Parlament damb es deputats e deputades escuelhudes.

Constituït eth Parlament, eth president o presidenta dera Generalitat ei elegit peth Parlament d’entre es sòns membres.

Eth mandat des deputats e deputades finalize en complir-se es quate ans dempús dera data des eleccions.

Tanben pòt acabar de manèra anticipada:

  • Se non debane era investidura deth president o presidenta dera Generalitat.
  • Per dissolucion anticipada, acordada peth president o presidenta dera Generalitat.
Data d'actualització:  23.11.2020