Contacte
Vòt presenciau
Es electors damb bèth andicapat pòden ajudar-se d’ua persona que les acompanhe quan anaràn a votar o de bèth mejan materiau entà transportar es envolòpes electoraus as membres dera mesa.
Ath delà ath delà, era Crotz Ròia aufrís un servici gratuit d'acompanhament entà persones vulnerables, que non dispòsen de familhaus o d'auti mejans que les poguen ajudar e agen de besonh transpòrt ath collègi electorau pendent eth dia dera votacion per motius de malautia, andicapat o mobilitat reduida. Dempús se les retornarà en casa.
Pòt sollicitar eth servici per telefòn en tot trucar ath 704 20 22 24 que correspon ath Centre d'Operacions de Crotz Ròia e foncione es 24 ores es 365 dies der an. Eth termini entà sollicitar eth servici acabe eth dia 21 de mai.
Tanben mejançant era adreça de corrèu electronic coordinador@creuroja.org.
En cas que bèth membre dera mesa, o bèth un des interventors o apoderadi adscriti ara mesa, considère qu’eth vòt non s’a exercit de forma conscienta, liura e volontària, ac pòt hèr a constar ena acta de session, mès non s’empedirà eth vòt. Ena acta, er elector li calerà identificar-se solament damb eth DNI o document d’identificacion qu’apòrte.
Es meses electoraus auràn d’adméter eth vòt de quinsevolha persona que sigue inscrita en cens electorau d’aquera mesa.
Vòt per corrèu
En cas de qu’un elector non se pogue desplaçar tà un Burèu de Corrèus entà hèr era sollicitud de vòt a causa de malautia o discapacitacion (qu’a d’èster acreditada per miei d’un certificat medic oficiau e gratuït), pòt hèr era sollicitud ua auta persona, autorizada notariaument o consolarament per miei d’un document qu’a d’èster hèt individuaument entar elector.
Eth servici deth notari ei totauments gratuït, includit eth desplaçament ena residéncia der elector (contactatz damb eth Collègi de Notaris de Catalonha, telefòn 933 174 800).
Posterioraments, se seguirà eth madeish procediment qu’entath vòt per corrèu ordinari:
- Eth representant der elector o apoderat pòt anar enquiath 18 de mai deth 2023, personauments, damb eth sòn DNI e eth poder notariau, tath Burèu de Corrèus que sigue e liurar era sollicitud de vòt per corrèu.
- Eth Burèu deth Cens Electorau enviarà ath representant der elector o apoderat per corrèu certificat ara direccion que s’age indicat, o per defècte, que li cònste ada eth en cens:
- Eth certificat d’inscripcion en cens.
- Ua papereta de votacion de cadua des candidatures que se presenten tàs eleccions convocades (o ua soleta bilheta damb totes es candidatures, en cas des eleccions ara presidéncia des emd).
- Era envolòpa o envolòpes de votacion.
- Ua envolòpa dirigida ath president dera mesa a on vos correspon votar.
- Ua huelha explicativa deth procediment que se li cau seguir.
- Aguesta documentacion l’a d’arremassar personauments eth representant der elector o apoderat, prealabla acreditacion dera sua identitat. Se non se trobèsse ena abitança, li calerà anar personalaments a recuelher-la en Burèu de Corrèus que correspongue.