Contacte
Ath delà d’escuélher dirèctaments eth president o presidenta dera EMD, es vesins dera entitat escuelhen indirèctaments es vocaus que, amassa damb eth president o presidenta, an de formar eth conselh de vesins.
Guairi vocaus designe cada EMD?
Eth nombre de vocaus que pertòquen a cada EMD se determine en foncion deth nombre de còssos de qué dispause er ajuntament deth municipi d’assignacion dera entitat. Correspon a cada EMD un nombre de vocaus equivalenti a un tèrç des còssos deth municipi, qu’en cap de cas pòt èster inferior a dus.
Ath delà, eth nombre de vocaus a d’èster parelh. En cas de qu’eth nombre de vocaus sigue senar, calerà designar un vocau addicionau.
Com s’escuelhen es vocaus dera EMD?
Es vocaus s’escuelhen de forma indirècta, un còp celebrades es eleccions municipaus. Es partits, coalicions, federacions e agropacions d’electors designen es vocaus dera EMD de conformitat damb eth resultat obtengut enes eleccions entar ajuntament.
Eth despartiment de vocalies entre es diferentes candidatures s’amiarà a tèrme segons era formula d’Hondt prevista peth regim electorau generau.
Maugrat açò, a efèctes de determinar se guaires vocalies corresponen a cada formacion, s’auràn en compde sonque es vòts emetudi ena seccion o es seccions electoraus constitutives dera EMD.