Contacte
Eth dia 28 de mai de 2023, de forma simultanèa as eleccions municipaus, se celèbren eleccions ara presidéncia des entitats municipaus descentralizades (EMD).
En Catalonha, i a 65 EMD: 4 en Barcelona, 1 en Girona, 54 en Lhèida e 6 en Tarragona.
Es organs de govèrn d’ua EMD son un president o presidenta e era junta de vesins/es.
Eth president o presidenta ei elegit dirèctament pes vesins e vesies dera entitat peth sistèma majoritari mejançant era presentacion de candidatures pes diferents partits, federacions, coalicions o agropacions d’electors/es. Cada candidatura ara presidéncia li cau includir un candidat o candidata suplent.
Era junta de vesins/es, formada peth president o presidenta e es vocaus, ei designada de conformitat damb es resultats des eleccions per ajuntament ena seccion o seccions constitutives dera EMD. Eth nombre de vocaus dera junta de vesins/es ei equivalent ath tèrç des còssos qu’intègren er ajuntament.
