Contacte
I a sonque ua mèsa electorau entà toti es procèssi convocadi; donques ena mèsa i an d’èster es urnes següentes:
- 1 urna entàs eleccions municipaus (paperetes e envolòpes de color blanc).
- mès 1 urna entàs eleccions ath Conselh Generau d’Aran, enes municipis d’Aran (paperetes e envolòpes de color auriò-iranja).
- mès 1 urna entàs eleccions ara presidéncia des entitats municipaus descentralizades (EMD), en cas de qu’era mèsa hèsque part d’ua EMD (paperetes e envolòpes de color verd clar).
Mesa de votacion
Entà conéisher era mesa electorau a on cau votar, eth Burèu deth Cens Electorau envie a toti es electors ua carta censau a on figure era seccion a on ei censat er elector e era mesa a on li correspon votar, damb era adreça deth collègi electorau.
Tanben se pòt hèr era consulta:
- Presenciaument, en ajuntament o era delegacion provinciau deth Burèu deth Cens Electorau d’empadronament.
- A trauès deth servici d’atencion telefonica 900 343 232.
- A trauès dera pagina wèb der Instituto Nacional de Estadística
Era votacion comence tàs 9.00 ores e finalize tàs 20.00 ores deth dia 28 de mai, maugrat que, se quauque elector demore laguens deth locau o en sòn accès, se li permeterà votar.
Entà votar se cau identificar damb bèth un des documents que seguissen:
- Document Nacionau d’Identitat (DNI)
- Passapòrt (a on cònste era fotografia deth titolar)
- Permís de condusir (a on cònste era fotografia deth titolar); tanben ei valid mejançant era aplicacion miDGT.
Es documents pòden èster caducadi mès an d’èster es originaus, en cap cas fotocòpies.
Identificacion des votants
Entà votar se cau identificar damb bèth un des documents que seguissen:
- Document Nacionau d’Identitat (DNI)
- Passapòrt (a on cònste era fotografia deth titolar)
- Permís de condusir (a on cònste era fotografia deth titolar); tanben ei valid mejançant era aplicacion miDGT.
Es documents pòden èster caducadi mès an d’èster es originaus, en cap cas fotocòpies.
Drets des votants
Es electors que trabalhen eth dia des eleccions pòden disposar, laguens der orari laborau, d’enquia quate ores entar exercici deth dret de sufragi, que seràn retribuïdes. Quan eth trabalh sigue en jornada redusida, se harà era corresponenta reduccion proporcionau deth permís.
Es trabalhadors qu’agen jornada laborau damb un orari que non coïncidís ne totauments ne parciauments damb eth dera votacion, non an dret a demanar cap de permís ara enterpresa.
Eth justificant lo cau sollicitar ara mesa electorau eth madeish dia dera votacion.