Contacte
Enes eleccions locaus i intervien es juntes electoraus que seguissen:
Era Junta Electorau Centrau (JEC) ei er òrgan permanent qu’actue coma arbitre e moderador de tot eth procès electorau. Entre es foncions qu’a assignades, subergessen es que seguissen:
- Supervise e apròve es modèls d’actes entàs meses e es juntes electoraus.
- Supervise e apròve es manuau d’instruccions entàs persones qu'intègren es meses electoraus.
- Contròtle es donades e es informacions des sondegi publicadi.
- Dirigís e supervise era actuacion dera Oficina deth Cens Electorau.
- Resòlv damb caractèr vinculant es consultes des juntes electoraus provinciaus.
Es juntes electoraus provinciaus (JEP) a es competéncies que seguissen:
- Amiar a tèrme totes es gestions restacades ara presentacion e proclamacion de candidatures.
- Resòlver es reclamacions presentades contra era delimitacion des seccions, e locaus e es meses efectuades pera delegacion provinciau dera Oficina deth Cens Electorau.
- Adméter es nomenaments des administradors des candidatures per part des representants des candidatures e comunicar-les ara JEC.
- Distribuïr es espacis gratuïts de propaganda electorau que s’emeten enes mejans de comunicacion publics.
- Formalizar era designacion d’apoderats e d’interventors.
- Realizar er escrutinh generau.
- Resòlver de manèra vinculanta es consultes des juntes electoraus de zòna.
Es juntes electoraus de zòna (JEZ) a es competéncies que seguissen:
- Garantir qu’en cada mesa electorau i age es mejans de besonh entara votacion.
- Supervisar eth nomenament entàs persones qu'intègren es meses electoraus. pes ajuntaments.
- Distribuïr es endrets disponibles entath plaçament de pannèus, pancartes e banderines, atau com es locaus e es lòcs publics gratuïts entara realizacion d’actes de campanha electorau.
- Formalizar era designacion d’apoderats e d’interventors.
- Atier es consultes des electors.
Ath delà, en cas des eleccions ara presidéncia dera EMD, es JEZ an es competéncies següentes:
- Determinar, un còp celebrat es eleccions municipaus, eth nombre de vocaus deth Conselh de Vesins que li cau designar cada formacion
- Arrecéber es designacions de vocaus des Conselhs de Vesins presentadi pes candidatures